بسم الله الرحمن الرحيم
البارحه ساهر ماغمضت عيني
وشلون ابرقد وانا عيني شقاويه
اليا تذكرت بنتي فرحة سنيني
هلت دموعي على الخدين جبريه
بين الدكاتر تصوت لي وتدعيني
لبيه ياقلب ابوك اللي طفى ضيه
شالوا ذهبها على زين الفساتيني
والثوب الازرق عليها صار ماريه
تلد عين الحزن وتقول وش فيني
بابا حبيبي تكلم قول وش فيه
صديت عنها وانا اللي في كافيني
في ذمتي يارهف ماهوب في يديه
خليتها عندهم واقفيت من حيني
ومن ضيقة الصدر جريت الهجينيه
العين تبكي وهوجاسي مخاويني
ومن لامني في رهف مافيه ماويه
والله مااخليك دام الله مخليني
ياشمعة الدار يانور العزيزيه
ومادبر الواحد المعبود مرضيني
رضيت في دبرتك ياعالم النيه