بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
بصوا بقا يا حلوات انا جات لى فكرة وبعدين جربتها ولاقيتها نجحت معايا وجابت نتيجة هايلاة
وهى كراسة الأخطاء وانا لى 3 من الأطفال ولد وبنتان وكثيرا يخطئون وذلك بسبب سنهم فوصلت لتلك الطريقة وبجد بجد تحفة
الطريقة هى
انى اجيب كراسة واكتب فيها اسماء الأطفال وكل واحد فى صفحة وامامه اكتب اخطاءه الى ارتكبه طول اليوم مثلا نكش حاجة او زعل اخوه او اهمل فى واجبه او عمل اى شىء من الى منبهه انه ميحصلش ويعرف ان انكتب له خطأ او انكتب له عمل مميز وفى اخر يوم احسب له اخطاءة والى يكون اقل عدد من اخطاء الأخر له مكافاءة اسبوعيه كهديه او خروجة او فسحة او اى شىء من الى بيحبه
وفى المقابل اثناء اليوم لو عمل حاجة كويسه يتم مسح خطأ من اخطاءة ولا يحسب له والتقييم كل يوم خميس وبعد النتيجة ما تظهر طبعا يثاب الملتزم ويعاقب المخطء بالحرمان
وبذلك يحاولون كل منهم المنافسه بعمل كل شىء جيد ويبتعدون عن اى شىء غير مرغوب فيه ويتنافسون على كل ما يرضينى لكى اصلح لهم اخطاءهم
وبعد هذه التجربه مش عايزة اقول لكم التغيير الى حصل معاهم ويقو ملتزمون بكل شىء وفى نفس الوقت من غير ضرب او تزعيق او اى شىء والشىء الى بينرفزهم هو انى اجرى على كراسة الأخطاء او اكتب فيها خطأ لهم
وصدقونى الطريقة نجحت معايا وحبيت انى اقولها يمكن حد تانى ممكن يستفيد منها
لو عجبكم الموضوع ياريت تقيموه ولو فيه اى تعليق ياريت تكتبوه علشان اعرف رايكم