خواتي اتمنى تلقون لي حل سريع ~ لاني راح انجن من الموضوع هذا ~
انا تزوجت وحده بإختيار عمتي ..
صار لي سنه اعرفها من خطوبتنا ومكالماتنا
الا انها كانت عنيده مره يعني يوم تجي مشكله بيننا
ممكن نضل اسبوعين م نكلم بعض
بحكم انا الولد م ابي انكسر قدامها وهي م تبي تغير عنادها ~
المهم مو ذا موضوعنا ~
انا صار لي 4 اشهر من دخلت عليها .. وبما ان اليوم صار لي لنا 4 شهور بالضبط
احبيت اقولكم وش هي المشكله اللي صارت في ال4 شهور هذي ~
وابيكم تساعدوني
المهم م اطول عليكم ..
زوجتي م تلبس لي شي م تدلعني م تسوي حركات رومانسيه وكيذا
واانا م احب اضلمها .. البنت مو مقصره بنظافتها ..
لكن انا اقول اهي مقصره بالاشياء الرومانسيه ..
مثلا .. قبل الزواج كنت اقول لها احنا عندنا بيت كبير مره امي وابوي بس ساكنين تحت وخواتي غرفتين من الدور اللي فوق يعني 3 غرف وصالة ومطبخ كامل ودورتين مياه .. لها لحالها .. رفضت قالت .. ولو انا ابي شقه لحالي .. تعرف احنا متزوجين ولازم ناخذ راحتنا .. والبنت اصلا تحب اهلي واهلي يحبونها لكن من باب انها يعني تبي تقنعني انها تبي لحالها
قلت لها اوكيه .. واستاجرت لها شقة وماشفت لا اشياء للمتزوجين ولا ششي
البنت م تطبخ ولا تغسل ملابس و لا ششي .. الاكل من المطعم والملابس بالمغسله فاتح حساب .. والحمدلله انا راتبي عالي وما اشيل هم التكاليف
والبنت شغلتها بس
ترمي الاكل بالزباله وتكنس الشقه هذا شغلها .. ربع ساعه بس
المهم من يومين كنا نتابع مباراة لبست برمودتها ولبست نفس التي شيرت .. وجلست جنبي وتابعنا المباراه وسولفت انا وياها وضحكنا .. وكاني جالس مع صديقي .. لا رومانسيه ولا ششي .. وانا ما اقصر معها وهي ما تقصر معي الا بالرومانسيه .. والبنت عنيده مرررره مررره ..
اشوف الرومانسيه والدلع والزين .. يوم تجي امي ولا خواتي ولا امها ولا خواتها ..عندنا بالشقه
الاقيها لابسه القصير ..
الي ماتلبسه لي ..
تناديني باحلى الاسسسامي .. وتدلعني بانعم الاصوات
لدرجه اني احيانا انحرج ..
ولما اجي بطلع اقولها تبين شي ..
تقول م ابي غير سلامتك ي قلبي او ي ملاذي ...و من الكلام هذا
لكن لما نكون لحالنا تكتفي بكلمة لا ..
والمششكله كل مررره يصير كذا .. م تلبس القصير ولا تدلعني ولا تقول لي كلام حلو الا لما يكونون اهلي او اهلها موجودين عندنا
لددرجة انها معروفه عند اهلها وعند اهلي انها موب مقصصصره مرررره .. لدرجة اني لي شكيت لامي قامت تقول الا زوجتك .. م عمري شفت مثلها .. واذا تبي غيرها لاتحط عيوب فيها ترا منت ملاقي مثل هالبنت .. ومدري وشو وانواع الردود القويه ..
وشكيت لاختي قالت بالعكسس .. زوجتك م فيه احسسن منها .. لبسها كشخه وتهتم في نفسها بالمررره .. وتدلعك .. ولو شفت وش تقول عنك ..و من هالكلام
جننتني البنت هذي .. م لقيت حل .. لقيت الدنيا مقفله بوجهي .. قمت عصبت عليها ..
المشكله ان البنت تحبني .. وتبيني .. يعني مهي مغصوبه علي
انا يوم عصبت عليها .. جتني تراضيني . . ولما اكلمها في موضوعنا
تقول مسوي موضوع وزعل عشان كذا وربي سخافه . .
واذا زعلت امي تكون معها ضدي
شوفو حل " انا م قلت ابي غيرها ولا قلت ابي اطلقها "
قلت ابيها تكون زي ماتمثل قدام اهلي ..
للمعلوميه .. انا مو بخيل ولا وصصخ ولا عديم الاهتمام
انا اعطيها و اتنظف بششكل يومي .. واهتم في نفسي لها