مابقى لي غير اسكت وانتظر منك الجواب
... بنتظر لين تكلم تحكي وتقول اللي فيك
قول واحكي لي بصراحه وش اخذت من الغياب
... غير صرخه تستغيثك ..تحتضر تسأل عليك
أسمع اسمك في صداها وأحسب لقلبي حساب
... قلبي ياهو هايم(ن) بك يبكي و وده يجيك
كنت أسليه بغيابك كنت أنسيه العذاب
... خايف يحس بضياعه ويفتقد لمسه ايديك
كان يومه عن سنه وقـتـه كله بإغتراب
... كان نبضه يرتجف لك وكل دقاته تبيك
كان لما يسألونه كيف حالك.؟ قال ذاب
... حالي بـبعده حبيبي ياحبيبه مانسيك
ياحبيب القلب وينك بيني وبينك عتاب
... بأنتظر لما تجيني وبعدها بشره عليك
لو ما أحبك ماسهرت ولاني عشت بإرتياب
... ولاشقى قلبي بغيابك ولاوقف لك يحتريك
يالله عجل ياحبيبي وأسرع وهات الجواب
... من أشوفك جاي يمي بتركك وأرجع وأجيك