شفتها ياسعود صدفة بعد ماغابت سنين
عند قسم المختبر وسط مستشفى الجامعة
جيتها ثم قلت ممكن في سؤالي تسمحين
ناظرت فيني بدهشه نظرة متواضعـه
قالت انته تحسبني من بنات صايعين
تحسبني في زماني في طريقي ضايعه
قلت انا مااراح اطول كل ابوها كلمتين
وأبعدت عني شوية ثم جتني راجعـة
قالت اسال ،، واضح انك من رجال طيبين
بس هرجك يالسنافي كان وشهو دافعـه
قلت انا حبيت وحدة يوم كنا صغيرين
ومن ثمان سنين راحت للمواصل قاطعة
عقبها ماذقت نوم يهتنية النايمين
ساهر في طول ليلي لين شمسي طالعة
أذكر انه فيه حبه فوق ثغره من يمين
واذكر انه لاجرينا كن شعره تابعه
واذكر انه عاشق الورد والياسمين
صار قلبي بالورود اللي عشقها زارعة
طابع اسمه بقلبي فيه سين وفيه عين
وفيه الف وفيه دال وسط قلبي طابعة
قاطعتني بقولها سبحان رب العالمين
كرررتها مره - ومرتين - ورابعة
قلت وشفيك وشبـلاك يابنية ترجفين
ليش عينك يابنية من كلامي دامعـه
قالت الموقف وقلبي والمحبة والحنين
كيف اشوفك بعد ماكنت عنك قانعـه
قلت أنا بسالك ان كانك انتي تذكرين
عن مواثيق ثمنها من حياتي دافعـه
قالت ظروف الزمان ماتطيع العاشقين
بيعوني غصب حبك لو هو ماني بايعـه
انا في دنياي حالي كنها حال السجين
حتى لو فكوا سراحه فيه شي مانعـه
زوجوني غصب واحد وحرموني حاجتين
السعادة في زماني والحياه الرائعـه
والحين انا ام لثلاثه عندي ريم وياسمين
والولد اسمه على اسمك والمشآعر جايعـه
سلامتكم
منقوووووووووول