احبتي لكم مني كامل التقدير والاحترام ...
الزبدة ..العالم الحين قرية صغيرة والاختلاف بيننا وبين الدول بسيط ما يذكر من ناحية العادات والمزاج والنفسيات ...... الخ (اتكلم عن الدول الاسلامية) .
الشي الثاني يعيش بيننا تسعة ملايين اجنبي تقريبا ومن جنسيات مختلفة يعني ارضاء لجميع الأذواق .
يعني لازم نستغل وضع الاجانب اللي عندنا مثل ما سوت دول اسلاميه سابقتنا مثل ( اندونيسيا ) وهي من شروط القبول بالوظيفة للأجنبي عندهم انك تتزوج من بناتهم وبانظمه تحمي الطرفين (ياكثرهم اللي بيقدمون)وبكذا نحل مشكلة العنوسة من جذورها .
بينقز واحد وبيقول ان الاجنبي تزوجها لغرض معين .. يعني اللي صاير مضبوط (حالة طلاق كل نص ساعه وعلى مستوى المملكة 85 حاله يوميا) .
وبينقز واحد ثاني وبيقول وين راحو بنات الوطن اقوله زواجنا معقد ومكلف قبل وبعد الزواج يعني ديون بالسالب يحسبون عندنا مال قارون والوضع ما يشجع بصراحة .
حتى لو الله مغنيك بس انت ما تبي احد يستغلك بطلبات طلبات طلبات . . . . .
الحل اتوقع ان اهل البنيه بيضطرون مع الوقت لتزويج الاجنبي لا نه داج وعاضن الارض وبيرضون فيه بسبب الظروف الاقتصادية المدحدره .. وسمعت ان فيه تنظيم جديد بيسهل الزواج من الاجانب ويحفظ حقوق الطرفين من ناحية حق اكتساب الاطفال جنسية الام والدراسة والوظيفة ...الخ
بعض مميزات الزواج من الاجنبي ..
تحسين النسل (وجهن حسن)
دوافير (مصطفى)
حديث شريف (إذا أتاكم من ترضون دينه وأمانته فزوجوه إلا تفعلوا تكن فتنة في الأرض وفساد كبير)
الحقيقه مادري عن صحة الحديث لكن المعنى صحيح .
تقبلوا آرائي ولكم تحياتي يا أعزائي