يا قلب والله منت بالذل معروف ..
عشان تقـدر تلعب بحسبتك ( بنت )
خل الندم والدمع والحزن لضعوف ..
ما هانت الشيمه بـ عيني .. ولا هنت
آندم لو إنك كنت جاحد لـ معروف ..
لا تندم إنك كنت وافــــي ولا خنت !
من وين ولا من متى جالك الخوف ؟
يا قاســـــيٍ لانت سنينك ولا لنت ..
آي حب هذا ؟ آخره كـــذب و زيوف !
آكذب عليك إن قلت لك: ما تهاونت ..
ضحيت لجل الحب من داخل الجوف
وإن كان هذا تالــي الحب ؟ هونت ..
آصبر على حزن الغــلا آيام وتطوف
جرب .. وراح تشوف نفسك تحسنت
وإن مرت آسراب الغلا آحلام وطيوف ..
"تذكر إللي صــار" لا تذكر أيش كنت ..
لا تنكسر قـــــــدام عيني وآنا آشوف ..
البنت لا راحت ، يجي غيرها بنت . . .