--------------------------------------------------------------------------------
شكيت جرحى للبحر قال تكبر
وتشوف منهم في حياتك غرابه
نطقت له تكفى اذا كنت تقدر
عندي سؤال بس ناقص إجابه
ليه القلوب اللي نبي دوم تغدر
وليه الحزن يفرض علينا ثيابه
قال الكسر ماظنتي يوم يجبر
الإ إذا اللي راح أعلن إيابه
قلت الوفاء بين البشر ليه يندر
ليه الغلا بالناس سهل إنقلابه
قال البشر طبعه غدر بس أصبر
وأعرف ترى نصف الوجيه تشابه
دنياك لو تصفي فلا بد تكدر
وتشوف شيب العمر بعد الصبابه
وإن كان تبغى الحل من قبل يصدر
خلك حريص تعيش كلك مهابه
من قبل دمع العين بالحزن يحدر
من قبل لا وقتك يعضك بنابه
وقتك غريب ومثلك اليوم يندر
يندر تعيش بطيبتك وسط غابه
باقول كلمة وأذكره دوم وأخبر
وأذكر كلامي لك إجابه إجابه
لا تقول أنا فاهم على الناس أقدر
أقدر أميز من دروسي كتابه
صدقنى هذا وقت خاين ويغدر
لو أنت ذيب تخون فيك الذيابه