ولاقد جرحت وقلت لك : إنت جـانـي !!
وماقد سهرت إلا وعيني تراعيــك؟
ولاقـد رقـدت إلا وطـيـفـك لـفـانــي !
بس الغريب اليوم ماعاد أعنيــك ؟!
وماعـاد تفرق لوشكيتـك زمـانـي !
بي دمعة ٍ لو شفتها يوم تبكيــك؟!
صارت بغيابك ماتـفـارق مـكـانـي !
دمعة غريب يوم حلت خـطـاويــك
سالت تـقـول الـيـوم خـلّـي نسانـي !!
حتى الدمع بعيون خـلّك يـنـــاديـــك
دمـعـي على فـرقـاك واللـه كـوانـي !
هـذا وهي ياصـاحـبي (4 ثوانـي) !!
وشلون لازادت ليالي بطـاريـــك؟
خـايـف مـع الأيـام أنـسـى اخوانـي !!
ليتــك تشوف الدمع بعيون مغليـــك
يـمـكـن مع الأيـام تـرجع عـشــانـي !!
وكانك رجعت بيوم ماعاد أبغيـــك
خلاص يكفي مامضى من زمانــــي !!
أول شريتك يوم أنـا مغرم ٍ فـيــك
واليوم بعتــك يـوم قـلـبـك نـسـانــي !!
دوّر على غيري يحبــك ويغـليــــك
حاول تحـب وتـخـون إنـسـان ثـانــي !!!
هذا خطأ حـظـي وغـلـطـة زمـانـي !!
مما راق لي