امانه ساعدوني ولاتطنشوني مالي احد غيركم اشكيله همي والضيق اللي فيني انا متزوجه وعندي بنت وزوجي مرره طيب معايا ويحبني كثيير لكن مشكلته انه مايحب يوديني مكان ولا يجيبني وادا وداني مكان لازم يسرد عليل شروطه انه لازم اروح عند اهلي عشان شغله قريب من بيت اهلي وبسرعه يجيني وانا مااقدر دايما اروح بيت اهلي لانه يقوم العصر ويبغى يحطني عند اهلي وانا ماالحق على بنتي وشغل البيت وما الحق اللبس ومن شروطه لازم ادا رحت مكان يعدي عليا بدري وهو خارج من دوامه ولو رفضة ارجع وقلتله عدي عليا بعدين يرفض بحكم الزحمه والدوام والله اني مليت من قعدة البيت تعدي عليا اسابيع وممكن شهر وانا ماغير في البيت او عند اهلي وادا مشانا بس الجمعه ونفس المكان يعني روتين حتى في التمشيه وادا قلتله طفشانه يقولي فين تبغيني اوديكي كل الناس كدا حياتهم وفين تبغينا نتمشى ويقولي انتي جاحده النعمه اقوله والله اني احمد ربي ليل ونهار بس احس حياتي ملل امس في الليل سهرة بحكم انه خميس عند بنت عمي وهو راح البيت لانه مانام وكان تعبان وقالي قومي معاي البيت انا مارضية قلت طفشانه وابغى اسهر حطني عند اهلي وقالي ماراح ارجعلك لاني ابغى انام ورحة معاهم وانا من النوع مااحب ابيت عند اهلي لاني ارتاح في بيتي بحكم انو بنتي صغيره وزوجي عارف بطبيعتي المهم رجعة مع اهلي الساعه اثنين وجلسة الى ادان الفجر وكنت ابغى ارجع بيتي حسيت اني تعبانه صحيته يصلي الفجر وترجييته يرجعلي وشويه ابوس رجلينه وهو مارضي واضطرية انام عند اهلي وجاني اليوم الساعه خمسه المغرب وكنت مرره طفشانه ومقهوره منه وتخاصمة انا وهو في السياره وقالي انتي تدققي عليا وطفشيني وتطفشي نفسك وانا ضليت مقهوره منه وهو رجع يكلمني ماادري والله انا غلطانه ولا هوه وساعات احزن عليه لانه طيب معايا ويحبني واعاتب نفسي وساعات اتضايق من حركاته للعلم هو من النوع المسالم ولا بحب المشاكل ودايما يقولي انتي تخلي حياتنا كلها مشاكل امانه ساعدوني احس حياتي بتنهار انصحوني ووجهوني ولا تنسوني من دعائكم vvvvvvvvvvv