السلام عليكم ورحمة الله وبركاته..
ماني عارفه من وين ابدا لكن بقولكم بعض الاشياء لانو نفسيتي تعبانه وما اقدر اتكلم اكثر..
زوجي كنت دلوعه عنده وكنت ملكه وكنت كل شي والكل يحسدنا وطلباتي مجابه واوامر عليه مايقول لا ابدا وان ضقت يطلعني ويمشيني ..
لكن الحين العكس انقلب وحش ينتقدني يبكيني يستفزني كل شي يسويه لي عكس اول ايام الدلع
بقولكم مشكلتي اليوم
كنت متضايقه وكنت محتاجه اشياء من الصيدليه والبقاله قلت له ابي دوا فيتامينات من الصيدليه وابي رمان وكيوي قال ماعندي فلوس يكذب طبعا قلت الا عندك عارفه ماتبي تجيب قال طيب بجيب قلت بروح معك ضايقه قال لا.. وجلست اترجاه لين وافق يوم جينا نطلع اخذ عيال اخوه معنا من عيال احذيه وانتم بكرامه وبنتي خلاها ما اخذها تبكي تبي تروح قال ماني ناقص بزران المهم سكت طلعت معه وقلبي متقطع على بنتي عمرها 3 سنين على فكره هو حنون عليها مرا.. بس مدري ليه يسوي كذا
ووصلنا للبقاله قلت بنزل معك ما احب اجلس بالسياره على فكره ما احب ادوج بالسياره كم مرا يطلعون اهله يدوجون بالسياره ما اطلع معهم ما احب احس على الفاضي كانو بزران يفر فيهم بالسياره وهو عارف اني ما احب يا اروح وانزل واشوف الناس يابلاها روحه..
نزجغ للسالفه المهم قلت بنزل معك قال لا مافي نزله كل شي تبينه تسوينه ان قلت لك لا يعني لا وان قلت لك ايه يعني ايه بمزاجي .. جلست قلت انت عارف اني ما احب قاطعني وقال ماني عارف شي تبيني انزل اجيب بنزل اجيب وبرجع بسرعه قلت شكرا مابي.. ومشا ووقف عند الصيدليه قالي اقول انزلي جيبي دواك قلت طيب ليه الصيدليه انزل والبقاله لا مع انها بقاله كبيره مثل هايبر بنده قال اقووول انزلي طسي تقلعي ولا مافيه دوا تحملت كلامه ونزلت وشريت دواي
وحنا راجعين وقف عند محل وشرا له معسل للشيشه يشيش ربي يهديه..
قلت له بضحك تنساني وتشتري لنفسك ودني اشترلي كيوي قال اقول ولا كلمه خلصتي فلوسي قلت والمعسل قال وشو معسل كله بخمسه ريال>> على فكره هو كريم وكان معي كريم بس مدري شفيه؟
نرجع قال وشو معسل كلها بخمسه ريال قلت على الاقل ماخليت شي بنفسك ومان علي بدوا ب65 مابيه شكرا نزلته عنده بالسياره ونزلت للبيت..
وبعدها بشوي اتصلت فيه قلت له انت تغيرت وماعاد تحبني يعني اعاتبه قالي اوووووف الله يلعن الزواج ويلعنك ويلعن الساعه اللي انولدت فيها طبعا انا اعاتبه قلت كل شي سويته لك شوف اخوك كيف مدلع زوجته شوف اخوك اللي ثبل كان يضربها شوف وين كانو ووين صاروا ليه الناس تتقدم واحنا نرجع ورا ليه اول مدلعني والحين لا قالي انتي نكد حسبي الله عليك انتي.. عفت حياتي اكرهك مالي نفس لك قلت ليه مو طايقني قال ماطقت نفسي عشان اطيقك ..قلت انا وش سويت لك كل شي سويته قال وش سويتيلي ماسويتيلي شي انا تحملتك عشان امي >> يقصد امه امه خالتي اخت امي وتحملتك عشان ابوك الطيب ولا انا ما ابيك ولا ادانيك.. انا هنا انجرحت اول مرا يقولي كذا جلست ابكي وانا اكلمه قلت ليه تزوجتني دامك ماتبيني رجعني لاهلي قالي دواك عندي قلت شغيرك كنت تحبني قال من قال احبك انتي في احد يحبك الله يلعننك.. وقال شوووفي لاتطولين الكلام معي حتى الجوال عفته انتي ماتتعبين وانتي تتكلمين قلت انا ما اتكلم انا اغاتبك لاني احبك قال لاتعاتبيني انتي تقرقين ماعندك ستوب بالحياه وقفي قلت بتندم علي بكرا
قال ياشيخه خليني اندم بس فارقي قلت ودني لاهلي قال اشوووف>> على فكرا اهلي بديره ثانيه
وجلست ابكي قلت انت كذاب تقولي احبك ومافي غيرك بالدنيا وما استغني عتك قال اووووف وبعدين يعني ماتخلص يلا باي مع السلامه سكت انا ماسكرت الجوال ولا قلت مع السلامه قال الووو ماتفهمين مع السلامه وفصل شوي بعد ربع ساعه اتصل ومارديت رجعت اتصلت فيه قلت متصل؟ قال اي قلت بغيت شي قال جوالي فصل قبل شوي كذاب وربي دايم يسكره بوجهي قلت اوكيه باي قال باي واغلقت تلفوني وفتحته بعد ساعه لقيته متصل بس جوالي كان مغلق وصلتني رسالة الاتصالات انه كان متصل بعد ساعه رجعت اتصلت فيه قلت اتصلت علي قال ايه مشووووين ولقيته مغلق وكنت بقولك تلفوني فصل قلت طيب باي قال باي ..ارسلت له مسج دام هذا اتصالم لاتتصل فيني لانو ماعاد برجع اتصل فيك ومابينا كلام باي .. ومارد على المسج..
وهو طالع ونسيت اقولكم بكرا دوامه وقالي الله يلعنك ماني جاي بروح لدوامي مواصل بهاجر وعاد تكلميني
بس هاذي كل السالفه غير سوالفه اللي كلها سب واهانات.. لاتقولون روحي لاهلي دايم يقولي بكرا اوديك لاتهاوشنا بعدين مايوديني وابوي كبير مايقدر يجي واخواني اصغر مني ماعندهم رخصة سواقه واهلي مرا بعيد يمكن 800 كيلو عنا .. كرهت نفسي امانه ساعدوني اعتبروني اختكم قولولي وش اسوي تعبت نفسيتي جلست اضرب بنتي بجنون كرهت اهله معه لانهم بعد يسببون لي مشاكل ابوي كبير ما اقدر اكلمه بمواضيع مثل هاذي فيه سكر وضغط وامي بعد مريضه فيها اللي يكفيها ابي ادبه ابيه يعاملني كويس مثل اول ابيه يراضيني ابيه يحس فيني انا انسانه لو مايبيني ليه يتزوجني ساعدوني الله يخليكم انا انهرت وانهارت حياتي