الموضوع واضح من عنوانه
يالله خلنا نشوف اهل البحر التمااااااااااااام وش بيقولون عنه
وطبعاً انا راح اقول حق البحر صديقي الصدوق الي في عينه عود
يابحر انا بسألك عـن مبعـد الـدار
اللي من الاشـواق مبـرد وخالـي
انت طويت بلجتـك علـم واسـرار
وانا طرى لي من الهوى ماطرى لي
عودت لي من ماضي الوقت تذكـار
تذكـار خــل ابعـدتـه الليـالـي
واسباب ظرف حـط فداخلـي نـار
سوى لهبها داخـل الصـدر صالـي
ياليت يدري ناعس الطرف وش صار
ان كـان ماخلانـي بجـو خـالـي
لانه يعرف اني من الناس مااختـار
غيـره ولا ابـدل سواهـم بـدالـي
ليته نشد عن حالتي وتجيه الاخبـار
ويشوف مظنون الحشى كيف حالـي
هو نور عيني والغلا وزهـوة الـدار
في بعدهم ضاق الفضـا و المجالـي