السلام عليكم ...
اخباركم اية وانشالله رمضان كريم علي الكل ....
انا بقالي فترة غايبة بس لظروف عايزة اخد رايكم فيها ....
بجد ظروف ملخبطة ومش قادرة اتحمل اللخبطة دى ابداااا
قريت قران ومش عارفة اية الحل...
انا من كم يوم وانا انضف بيتى عادى وخصوصا الدولاب لقيت في ورقة غريبة مكتوب عليها كلام مش مفهموم يعنى احيانا احسة قران واحيانا احسة كلام فارسي .... وكانت الورقة دى بين قسمى وقسم زوجى .... يعنى في قسم ملابس لي وقسم لزوجى وبالصدفة لقيت الرف مايل حاولت اظبطة لقيت دى بين الرفين ...!!
المهم انا وريتهالجارتى قالتلي لاترميها وخليها معاكى ... ولان زوجى اليومين دول عندة شوية مشاكل وقلق ماحبيت اقلة لانى خايفة من ردة فعلة ..
المهم الورقة دى مكتوب عليها بالعكس ..ماشي وكلام بالازرق عادى وخط بالاحمر ...لو الكابل عندى كنت ارسلتلكم الصورة بس والله مش عارفة كيف اوريها لكم ...
المهم فيها اسمى واسم زوجى (وليد) ومكرمشة جداااا مع انى مرتبة الدولاب قبل رمضان مباشرة ولا شفتها ابدااااا ومتأكدة انها ماكانت موجودة...
والحقيقة مافي حد غريب يدخل بيتى بس جارتى وحيدة عريب ومافي غيرها وصراحة ماعمرها دخلت غرفة النوم لانها عارفة ان دى حاجة تضايقنى وان ليها عندى حرمة خاصة يعنى استحى حد يدخل غرفة نومى ابداااا.
المهم انهاردة بعد ماخرج زوجى للدوام سمعت كأنة في حركة الساعة 9 صباحا طلعت اشوف لقيت دايرة مرسومة كأنة بالرمل علي مدخل البيت مع انة بيتى والعمارة كلها سيراميك مافي تراب ولا رمل المهم دايرة مرسومة وقسومة نصين .... وكلمت وليد لانة شكلها كان غريبة قلتلة مالحظت شيء بالباب وانت طالع قال لالا ... ماتخديش في بالك ...وهو لما طلع يصلي الفجر ماشاف الدايرة دى ابدااا..
المهم كلمت عريب قالتلي شيليها بالجاروف .. وسمى وقرى قران المهم عملت كدة ... بيتى في حاجات غريبة مش عارفة دى اية ..؟؟
بجد مش عارفة اقول لزوجى والا اعمل اية ..؟؟
هو فية عندة مشاكل وبصراحة مش هاين عليا ومش عارفة اتصرف ازاااى...؟؟
انا لو في مصر كنت اتصرفت اخوالي ساعدونى او اخوانة واخوانى بس محتارة وعريب بتقوللي ان دة كلام مش حلو
قريت صورت البقرة 4 مرات بس لسة خايفة اوى .
ساعدونى والرجالة تقوللي اعمل اية في اللي بشوفة دة....
علي فكرة انا لما شفت المرسوم عالارض دة كلمت جارتى وطلعت شافتة ولقيته موجود مش تهيئات منى .
ساعدونى اعمل اية ...؟؟؟
والف شكرررررررررر