كيف الحال حبايبي انشاء الله بخير
اليوم جبت لكم اكلة الفته اللبنانيه سويتها اليوم وانشاء الله تعجبكم خلوني اقولكم المقاديروالطريقه
المقادير
دجاجه او صدور الدجاج مسلوقه ومفتته + 2 بدنجان كبار مقطع مكعبات صغار+ 4 حبات كوسه وقطعه مكعبات صغار+ 4جزر ومقطع مكعبات صغار+ 4حبات بطاطس مقطعه مكعبات صغار + علبه او قارورة حمص (بليله ) مسلوق جاهز+ كمشة بقدونس + بصله كبيره مقطعه شرائح (جوانح ) 6 حبات ثوم مهروسه + 2 لبن زبادي كبار+ ملح + وقليل زيت + وخبر محمص
نجي لطريقه
نجيب طاوه ( مقلايه ) ونحط فيها الزيت ونسخنه ثم نضيف عليه شرائح البصل وتقلبه شوي ثم نضيف عليه نص كمية الثوم المهروس ونحمره شوي
ثم نضيف عليهم الدجاج المفتت ونقلبهم ونضيف الملح
انتهينا من خلط الدجاج نتركه على جنب . . ونبدا نقلي الخضار المقطعه
بعدما خلصنا من قلي الخضار وصفيناها من الزيت نخلطهم مع بعض ونحطهم في صحن التقديم عميق شوي ونحط عليه خلطة الدجاج
بعد ماحطينا الدجاج ووزعناه علي الخضار نوزع عليه الحمص
وبعدين نخلط اللبن الزبادي مع نص كمية الثوم الباقيه ونوزعها علي الحمص
ونضيف عليه اللبن والبقدونس المفروم صغاااار
ونوزع عليه الخبز المحمص
وهذا الشكل النهائي لطبق
واتمني يكون الطبق عجبكم ونال استحسانكم
وبلهناء والعافيه
دمتم بود
ليالي دافئه:196: