" فطيرة البروكلي "
تجيني ايميلات كثير عن فوائد البروكلي , لكن ماحبيته يدام او بصياني الخضار بالاجبان
فاشفت وصفه مقاربه لطريقتي لكن ماتحشى في فطيره
تخلط معها طحين وزبده لكن ماحبيتها
اخذت فكرة البروكلي بس منها
اما مكونات فطيرتي عاديه عجينة الفطاير
هنا صورة البروكلي بعد ماقطعته وحطيته بالقدر
الطريقه
3 فص ثوم تفرم ناعم
3 ملاعق زيت زيتون
نص حبة بروكلي
يحطون في قدر لخمس دقايق ثمن اضفت عليها بيالة حليب سايل وحبة ماجي دجاج
اذا حابه بهارات اوكيه انا ماحطيت شي
خليتهم يغلون شوي مع الحليب ماطولت عشان فايدة البروكلي ماتقل
اذا باقي حليب ماتبخر اصفي البروكلي من المويه
وابشر نص كوب جبن موزاريلا لمن يبرد البروكلي والثوم شوي اخلطهم مع الجبن
واحطهم بوسط الفطيره
نجي للفطيره افرد مربع واقص اطرافه لازم يكون مربع متساوي
واحط الحشوه واخلي مسافه عند كل الاطراف مايقارب 5سم
افرد مستطيل ثاني واقصقصه خيوط وابدا اكون شبكه فيهم فوق الحشوه
ثم اطبق الاطراف على اطراف الخيوط عشان تطلع الفطيره مرتبه ولا ترتفع اطراف الخيوط بالفرن
هنا صورة قبل ادخلها الفرن
البارميزان نسيت ابشره قبل ازبط الخيوط
احسن قبل .. انتي وذوقك
دهنت الوجه بيضه مخفوقه وبشرت البرميزان
هنا صوره قبل التقطيع :
" سكونز الزعتر واللبنة "
الزعتر الطازج :
قبل الفرن :
" عقدة الثوم "
اخذتها من احد المواقع الاجنبية اللي حطها التوب شيف
كانت مجرد عجين يلفونة زي العقدة ..
طورتها واضفت اجبان , بالمرة الاولى بس تشيدر , المره الثانية اضفت جبن الماعز وتشيدر
جربت طريقتين : 1/ عجنت التشيدر من البداية مع العجين ثم خليته يخمر , 2/ اضفتها بعد التخمير ومزجته كويس مع العجين .
الطريقتين كلهم يادن لنفس النتيجة ماحسيت بالفرق .
الورقيات : بالوصفات الاجنبية اما بقدونس او ريحان .., انا اضفت بالصور فوق الزعتر الطازج كان جدا لذيذ .
برضو اضفته بطريقتين :
1/ طحنت الزعتر بالطاحون وقطعت الثوم مكعبات صغار واضفته هو والزعتر لزيت الزيتون مع رشة فلفل اسود .. ثم دهنت الفطاير قبل الفرن
زي الشكل هنا :
2/ فرمت الزعتر عادي وبشرت الثوم واضفته لزيت الزيتون على النار شوي مع رشة فلفل اسود وملح اخر شي الزعتر بس بدون نار يكفي حرارة زيت الزيتون
ثم زينت العقدة بعد الفرن .. زي الصورة هنا :
طريقة لف العقدة :
جدا سهلة وماتاخذ نص ساعة مع انوه كمية الدقيق كانت 8 اكواب ..
اسهل شي بالمعجنات ولذيذة ..
تقطعينها كور صغيرة
ثم بيدينك تبرمينها
1/ تدخلينهم بعض كانك بتربطين خيط زي كذا
2/ احد الاطراف على جوا دخليه والثاني على برا زي كذا :
3/ الشكل النهائي :
" بف او سمبوسة هندية بشكل جديد "
الحشوة :
حيل لذيذه بعكس شكلها .. كلها اجتهاد مني ( ذقتها باحد البوفيهات واعجبني الشكل )
لحم حاشي مشوح مع بصل ناعم مع اضافة بهارات ( كمون , كسبرة , فلفل اسود , فلفل احمر , ملح )
1 بطاطس + 1جزر مقطع مكعبات يترك 10 دقايق يغلي بموية حارة
ثم اصفية من مويته واضيفه على اللحم واتركه 10 دقايق على نار هادية ..
لو حسيتي البطاطس قاسي شوي خليه اكثر لين يلين بس لاينعجن .
الخطوات :
1/
2/
3/
4/
5/
lسويتها من بكرا :
البيتز الملفوفة
اي عجينة فطائر انتي تفضلينها
ترقينها بشكل مستطيل
وتحطين عليها كل مقادير البيتزا اللي تفضلينها
وتلفينها على شكل اسطوانه ثم تقطعينها
اتركيها عشر دقائق ترتاح ثم تدخلينها الفرن تتحمر
الموضوع منقول لعيونــــــــــــــــــــــــــــــــكمـ