موحلو حيل بس مزيون ومو بعد بالحيل
له عيون تشبه اوراق الشجر من بعد عز الليل
وله كفوف مثل الغمام محملات بالمزن والهماليل
وله منكبين ياهي سفينه في بحر
ومنطقه بعد النظر
اذا حب
آآآه اذا حب ياهو خطر
يسهر الى حد السحر
ويعطي الى حد القمر
شفايفه بطعم العنب ولون الزهر
دستوره في الهوى
كم مره باقي بنعيش العمر ؟؟؟؟
وفي الدين له دستور القدر
سبحه وسجاده وغض البصر
وعده وفا
وصده صفا
مايعرف اللي يسوونه الرجال ويسمى عندهم بانواع الجفا
هذا بنظره من عيونه انتهي واقوله تكفى (كفا)
في هيبته كانه امير وفي ابتسامه ابتهاج المنتصر
وفي هدوءه كانه طفل او بالاصح كانه بوسط الاسر
تشوفه مكانه مستقر
متواضع كنه فقير وذابحه الفقر
ياهو متناقض
بس يجمع احلى تناقض بالبشر
والا قوامه له قوام ياالهي - سكة سفر بالمختصر
ياهي قهر اذا مر من يمي ولا التفت ياهي قهر
هذا الرجل
طيبه واصل واحساس وصبر
هذا الرجل
زين ودين ورمش عين وخدود وقمر
هذا الرجل
يدري وش يعني ان البنيه قاروره من ماء الزهر
هذا الرجل
هو امنية كل البنات
هو دعوة الام الحنونه لبنتها من الصغر
هو هذا ابن الحلال اللي حلاله احلى ايام العمر
اللي توفق بمثله ذا حظها قام وظهر
واللي قصر نصيبها في الجنه احسن مستقر
هذا من انشائي اتمنى يعجبكم
وسلامتكم
همسه: صح يامعشر النسوه ان هذا اللي تحبونه؟؟
وانتم ايها الرجال اقول لكم (وفي ذلك فليتنافس الممتنافسون)