بسم الله الرحمن الرحيم
معقود قرانى وزفافى كمان شهر
ام زوجى شخصية مسيطرة ومتملكة جدا
تحب الدنيا كلها تسير من حوليها وبعلمها
حتى ان زوجى دائما يرشدنى
ان الطريقة المثلى للكلام معها
انى اشعرها انها اهم شخص
هو يقول عنها انها تعمل مشاكل عشان تحلها وتكون هى اللى حلتها
المشكلة
ان زوجى شخص بار جدا باهله
لدرجة كبيرة قد تطغى على استقلالية حياتى
رغم ان شقتنا تبعد عن شقة اهله مسافة لا تزيد عن ساعة الا ربع فى عز ماتكون المواصلات صعبة
شايف ان احنا كده بعيييييييد اوى ولازم يشوف شقة تانية
دائم الكلام عن امه واخوته ..والله دون مبالغة مبيبطلش كلام عنهم
لما تجيله فلوس رغم انه فى عز زنئته وهو بيجهز ممكن يجيب حاجات بألف جنيه لمامته واخواته
تعمدت اقول المبلغ عشان اللى يقرء يعرف انى مش ببالغ
المشكلة اللى خايفة منها
ان اخته المتجوزة بجوزهاواخوه المتجوز بمراته حياتهم تلت تربعها حولين مامتهم
ملهمش اى حياه مستقلة
خايفة حياتى تكون نسخة منهم
انا مبؤلش ميبرش اهله
والله ابدا
بس مكنش انا جزء من دوامتهم
يعنى هم يكونو جزء من اهتمامتنا مش احنا اللى منعرفش نعيش من غيرهم
انا حسة ان هو مش هينبسط غير لما يكون نسخة من اخوه اللى متجوز عشان يكون بار فى عين امه وابوه
والا يزعلو جدا منه
وسعتها هيجبرنى
ياترى فى حل؟
ياترى بالتعود ولا ازاى؟
ولا هيفضل طول عمره كده كئنه متفطمش منهم