. مساء الخير يا حظي .. عسى ليلك قليل أهموم
وصدر الكون ضايق ..والبشر كثرت بلاويها .
. مساء الخير يا قلب ٍ .. غدا بين العرب محروم
وغابت عني الفرحة و ماي العين ضاميها .
. مساء الخير يا هم ٍ على ظهري . . عجزت أقوم
وجرحي آه يا جرحي عجز منهو يداويها .
. تعبت أحسك الجمرة وأنا مثل المطر وغيوم
تعبت امن الصبر لين الصبر ضيع حراويها .
. و لكن آه يا لكن . . عرفت أن الهوى مقسوم
و شوفك غاب لكن شوق حبك قام يحييها .
. انا الغريق اللي تهقوى بالعزوم وقام يعوم
تمنى يوصلك وانته على يمة . . شواطيها .
. تمنيتك حقيقه . . والصراحه حلم صح النوم
حلمتك نور شمس ٍ للحياه وقمت تضويها .
. بديتك حب يبدأ وانتهيتك هم ضمن أهموم
وعرفت أن القدر مكتوب لا صّوت مناديها .
. صباح الخير يا حبي ويا شوقي عداك اللوم
يا قصه عشتها حلم ٍ وحظي قام يبكيها .
. صباحك خير يا للي تكتب حروفك سما ونجوم
وحظك مثل حبك لو تصبحها تمسيها!