راح أدخل بالموضوع على طول,,
إنسانه كنت أعتبرها صديقتي وأكثر بعد بس الحين مصدومه فيها.. ..
كلمتني وطلبت مني أساعدها في مشكله ,,
وسألتها وش هي مشكلتها وليتني ماسألتها
طبعا هي متزوجة لها سنتين وعندها طفلة
تقول لي:
هي تحب زوجها وهو يحبها ومو مقصر معها بشي غير "الحنان" وكانت تعاني من هالناحية,,
قبل ماتتزوج وقبل ماتنخطب حتى عرفت واحد بالتليفون وخبرتني بعد ماصار لها معه تقريبا3 شهور وتهاوشت وياها وتركته وحلفت لي ووعدتني إنها ماراح ترجع تكلمه بعد ماتزوجت جلست سنة بعد زواجها وردت له من جديد وأكتشفت انها كذبت علي وكانت تكلمه صاير لها الى يوم خبرتني 4 سنين.. ..
تقول يعوضها ع اللي ناقصها وأنا شفت رسايلهم وبصراحة قمة الأنحطاط أغلب الرسايل "جنسية" ومتبادله من الطرفين.. ..
مو عارفة وش أسوي معها تقول لي ساعديني ماأقدر أتركه وماأبي أخون زوجي!!!!!!!!!!!!
بصراحة أنا في ذيك اللحظة ماعرفت وش أسوي جلست أصيح بلا شعوور,,,
والله أكتب لكم وجسمي يرجف من اللي سوته ومصدومة فيها ومو عارفه وش أسوي تقول مالها حد غيري
أرجوكم دلوني وشـ لون أتصرف وياها لأن بصراحة تفكيري مشلول كل اللي ببالي زوجها المسكين اللي من أخذها ماقصر معها بشي وبنتها اللي كاسرة خاطري.. ..
أنا تعبت نفسيتي والله إني ضايق صدري حييييل,,,
بليز لاتردوني أبي نصيحتكم,,
أعتذر لكني والله العظيم محتاجة لكم,,
تحياتي