بسم الله الرحمن الرحيم بدخل لكم في الموضوع على طول كنت قبل زواجي شايلة مسؤلية البيت كاملة تقريبا من رعاية اخواني وامور البيت كلها لاني البنت الكبيرة ومن صغري شايله المسؤليه واي غلطه يرتكبها واحد من اخواني تقدر امي وبطريقة عجيبة ترجع سبب المشكله لي وعلى ها الحال مشت الايام وكبرت وانا شايله هاالمسؤلية وشايله مسؤلية نفسي من جميع النواحي ولصبحت عصبية ومعي القولون تصوروا كيف اني كنت لاخواني الاخت والام وكنت في نفس الوقت الطالبة المجتهدة .كنت لما انتهي من كل امور البيت التفت لنفسي ودراستي والحمدلله تخرجت من الجامعه وبتفوق وبقولون عصبي شديد !! والان اصبحت المسؤلية باالكامل علي بتقولون وين الوالد ؟الوالد الله يرحمه وانا عايشه عند امي وزوجها وشعاري دائما (ياغريب كن اديب ) المهم قلت بتزوج وارتاح واحصل واحد يشيل عني المشؤلية وهنا كانت الطامه ؟زوجي مايعرف يقرر اي شي ماله اي شخصية وماله راي في اي شي انسان هامشي ماله طموح حتى القراءة والكتابة مايعرفها طبعا لما خطبني ماسالت عن هالشي لانه في بالي انه الكل يعرف يقرا رغم انه عنده شهادة ابتدائي .المهم مايعرف يصرف امورة في اي شي وكل صغيرة وكبيرة تحصل بيني وبينه مايعرف يخبيها عن امه وخواته مخلينه مثل اللعبه في يدهم ودنا وجبنا وهو عمرة مايقول لهم لا.انا والله انهارت نفسيتي جدا وزيادة على القولون صار معي الضغط كل هذا وعمري 24 سنه بس .وش اسوي كثير فكرت اني اتركه علشان يمكن ارتاح لكن وين اروح مالي بعد الله الا هو .حاولت معه كثير وصارحته وقلت له شخصيتك مو عاجبتني حاول تطور من نفسك وحاول تدرس بس لا حياة لمن تنادي اهتمامه وكلامه معي محصور بشيئين :الاكل والجنس .حتى صرت اكرة الشيئين ومهما يسوي مايحرك فيني شعرة احس اني صرت احتقر اسلوبه وتصرفاته واكثر من مرة قلت له انا اكرة جسمك حاول تنحف وكمان لاحياة لمن تنادي لانه طوله 160 ووزنه 90 (ماشاء الله عليه ) وفوق كل هذا انا الي اقرر بكل شي متى ندفع الايجار للشقه وش نشتري ,نعالج للحمل او لا ,وش اسوي والله اصبحت عصبية جدا جدا وحياتنا مليانه مشاكل . اذا شفت مشاكل غيري اقول الحمدلله انه ماعطاني زوج يضرب او يخون .لكن والله تعبت من المسؤلية .ســــــــــــــــــــــــــــا عــــــــــــــــــــــــــــــــــــــدونـــ ــــــــــــــــــــــــــــــــــــي