طبعا سالفه النقط السوداء بالرجل مررررره متعبتنا وندور لها حل
ولا يفيد معاها لا شيره ولا آله براون ولا موس ولا اي شيء.......
طبعا اول شي كنت اشيل الشعر بالموس وكانت النقط خفيفه
بعدين عقب ما تزوجت قمت اشيلها بالشيره وتعالي شوفي النقط يفشلون
قلت اجرب آله براون بعد الوضع زاد الا قام يطلع لي حبوب فيها دم متجمد برجلي أوووووف
المهم هذاك اليوم وانا ادور اتفصح بالمنتديات شفت طريقه لوحده ربي يجزاها كل خير
وسويتها
الطريقه هي :
قبل لا تشيلين رجولك حطي صنفره ايييي مقشر عندك استعمليه
وفركي زين راح تحسين بالحبيبات وانتي تفركين
بعدين خليه خمس دقايق تقريبا وخذي الموس وشيلي راح تشوفين شلون الشعر ينشال بسررررعه ولاحظي الفرق بعد ما تشيلين واول ما تطلعين حطي زيت اللوز للترطيب
انا سويتها اول مره خفت الاثار يمكن 20%
واستمريت عليها والحين والحمدلله الاثار خفت 80% وانا صار لي شهرين تقريبا استعملها ومو بانتظام فما بالكم لو انتظم ؟؟؟
يعني يبي لي شهر والاثار خلااااااص تختفي
يابنات انا كنت ما اؤيد الموس للمتزوجات لكن والله اشيل رجولي بموس احسن من اقابل زوجي ورجلي فيها نقط سوده تفشل
يابنات انا استعملت مقشر كلينيك الي من دبنهامز الازرق
ومره استعملت مقشر لوريال الاخضر والاثنين حلوين
والله بعد ما تغسلينها بالمويه تحسين بنعووووومه
هالنعومه حتى ابو الشباب يلاحظها
جربوها يابنات مره وحده وراح تشوفون الفرق وان شاء الله وبتدعون لي
بس هالله هالله بالفرك الزين
على فكره انا بعد ما افكر ما اشيل المقشر اشيل بالموس والمقشر موجود بدل الرغوه او الصابون احلى واحلى