في سفرتي في حضرتــي
في روحتي في جيتـــي
دايم معي يادنيتـي
بالدم والقلب الحنون
دايم معي في كل حين
وأنت معي يامهجتي
وين ماوجــــه وروح
مسكك بدربي يفـــوح
وأنت معي ياشمعتي
شفتك بكل الطريـــق
حاملة أحلـــــى رحيق
وأنت معي ياراحتــــي
في صباحي والمســـــا
وبالحزن ويّــــا الأســـى
وأنت معي ياعزوتي
بالبدايه والنهايـــــــــــة
دايمٍ ذكرك معـــــــــايه
وأنت معي ياجنتــــي