:138:السلام عليكم ورحمة الله وبركاته :138:

طريقة سهلة لتطهير وتعطير المنطقة الحميمة ,
مرحبا بنات

هالموضوع - موضوع الطهارة والتعطير - أتوقع الكل يعرفه
لكن كل وحدة لها طريقتها وأسلوبها

طريقتي جدا سهلة
وما تحتاج حوسة وتعقيد
ولا تحتاج شغلات من برا البيت

كل اللي تحتاجينه :

- ماي ورد
- علبة بخاخ فاضية والأهم تكون نظيفة ويا حبذا لو عقمتيها قبل لا تستخدمينها



- مسك أسود - وهو المسك الخاص للطهارة -





وبس


تحطين الماي الورد + ربع تولة أو أقبل بشوي من المسك الأسود بعلبة بخاخ فاضية
وترجين العلبة قبل كل استخدام



.
.

هالطريقة جدا سهلة وبسيطة وتناسب البنات والمتزوجات
لكن فيه ناس يضيفون شغلات وخرابيط منها :
- مرّة
- ملح

لكن ما أفضل استخدام المرّة أبدا صج إن المرّة مفيدة وتعتبر مادة معقمة ومطهرة وتعمل عمل المضاد الحيوي
لكن كثرة استخدامها تشد المنطقة لكن لما تتركينها تخلي المنطقة تترهل

أما الملح
ف حلو تستخدمينه لوحده بدون أي خلطات

وفيه ناس يحطون مكعبات المسك الموجودة عند القرشي ومحلات العطور
وللأسف هالمكعبات مو للطهارة لأنها ما هي طبيعية
وفيه ناس يستخدمون مسك الجسم - الأبيض - للطهارة
وأيضا المسك اللي ورد فيه الحديث هو المسك الأسود وليس الأبيض



أتمنى إني أفدتكم