مساءك سعاده
امم عندي طريقتين لتشيز كيك سهله وكمان لذيذه
ان شاء الله تعجبك
الأول صح قديم بس لذيذ وماينمل منه
المقادير ...
أ _ ( 1 وربع بسكوت شاي + اصبع زبده )
ب _ ( علبة قشطه + 6 حبات كيري + علبة كبيره حليب مركز )
الطريقه :
يطحن بسكويت الشاي ويفرك بالزبده وممكن تضيفي معاهم شوي حليب سائل او
قشطه عشان يتماسك البسكويت مع بعض ومايتفتت ..
وبعدها تجطي تحطي مقادير ( ب ) بالخلاط وبعد خلطهم تصبيهم على البسكويت
وتدخليهم الفرن على درجة حراره منخفضه يعني تقصري عليه النار عشان ينشف
بس مع مراقبته طبعاً لأنو مايحتاج لنضج يادووب الطبقه اللي فوق تنشف وبعدها
تطلعيه وتزينيه بالهيرشي أو اذا حبيتي تشقريه من فوق براحتك لكن لما يكون ابيض
وعليه خطوط هيرشي يطلع أفخم
وبالهنااا والعاافيه
وهو زي هذا
الحلا الثاني ..
مقادير الطبقه الأولى ..
3 بيضات + ربع كاس سكر + ثلث كوب زيت + ثلاثة ارباع كاس مويه +
ملعقه صغيره فانيلا + ملعقه كبيره بيكنغ باودر
مقادير الطبقه الثانيه ..
يوضع بالخلاط نصف كأس سكر + 6 حبات جبن كيري + 1 قشطه
الطريقه :
تخلط المقادير الأولى بالخلاط ماعدا البيكنغ باودر ثم تصبيها على كوب وربع
بسكويت مطحون ومخلوط معاه البيكنغ باودر وتدخل الفرن ولما تقريبا تكون نشفت
يعني لما تختبريها تلاقيها متماسكه صبي عليها الخلطه الثانيه ورشي عليها حبات
نسكافيه لأنو بيعيطها شكل متناثر بعدما تبرد ورجعيها للفرن لين تقريباً تنشف ومو
شرط تنشف تماما .. لأ ياغلاي يعني تتماسك الطبقه اللي فوق بس لأنها اذا بردت
بتتماسك أكثر
وبألف هناا وعااافيه
واعتذر لأني ماحصلت للثاني صوره
وبالتوفيق