انظميني يالقصايد عقد والمعنى ثمين
لملميني ياكتاباتي بـ ع ـد ماكنتي شتات
واحتويني في خ ـيال(ن) طال فوق كل الـعاشقين
وانسجيني بين قلب وبين عين ماتبات
افترشتي ذكريات اللي مضت لي من سنين
في زمان ماملكني منه غير الامنيات
صابر(ن) والعمر يمضي يامعين الصابرين
بين معلوق الحنايا حامض وسكر نبات
والمشاعر مستبدهـ بين آهات وحنين
ياللي حبكـ وسط قلبي من ايامن ماضيات
ماتغير به ملامح دام في روحكـ سجين
اسعفيني وانشليني من بحور(ن) ضاميات
واجمعيني وانثريني فوق صفحات الحنين
فلسفيني في غرامكـ وش معاني المفردات
وارسميني فوق ضلكـ كل وقت وكل حين
اكتبيني واحفظيني موهبه يا آغـلى البنات
اقطفيني في يدينكـ ورد فل وياسمين
واشربيني عد ..صافي من مزون هاملات