السلام عليكم ورحمة الله وبركاته
سجد قلبي على رمل الضلوع وهزه التنهيد
وانا في جوفي خيام الندم والخوف منصوبهـ
يارب افهق هلاكي والمنايا والدروب بعيد
مادام المودماني للتراب تقوده دروبهـ
ياغياث الضوامي والثمام وجرهدي البيد
اعذني من جهنم والحشر والموت وكروبهـ
انا مانيب لامشرك ولافاسق ولاعربيد
انا اللي لا عصى واخطا تجهم واقلقه ثوبهـ
وانا اللي يرتجف مثل ارتجاف الخايف الرعديد
ليا شاف القبور الضيقات وحس بذنوبهـ
انا عبدك ولد عبدك وجداني هل التوحيد
خطاياي اخجلتني يالله الغفران والتوبهـ
انا الانسان حمال النقايض والكمد والكيد
غريق الطين واللذات من راسه لعرقوبهـ
انا عبدك ياربي وانت تفعل ما تشاء وتريد
سالتك يالله العفو العظيم وهين دروبهـ
نايف صقر ،،
اتمنى تعجبكم ،،،،،،،،،،
إح‘ـترآمي