السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
بالنسبة لأيام التبويض والله اني حست معاها حوسة
أولا و قبل كل شي أنا متزوجة لي سنتين و الدورة غير منتظمة أبدا وبالتالي أكيد مافي حمل
فرحت للدكتورة و قالت عندك تكيسات وبدأت معايا بالكلوميد
حبتين في اليوم من ثاني يوم للدورة لمدة خمسة أيام
وبعدين رحتلها في اليوم 12 من الدورة وعملتلي سونار
وقالتلي ان عندي بويضتين وحدة في اليسار و حجمها 20 والثانية في اليمين بس ماهي صالحة لأنها مرة كبيرة و استنيها تنفجر
المهم في نفس اليوم اللي هو 12 نزلت عليا كم قطرة دم الله يكرمكم
فقلت اكيد البويضة انفجرت وبعدها بيوم شفت الدم مرة ثانية فتهت الصراحة ماني عارفة ايش اللي حصل
وأما بالنسبة للافرازات عادية ما اتغيرت لا كثرت ولا قلت
فاستفساري الان
هل حصل التبويض و لا لا؟
وايش الدم اللي نزل المرة الاولى و الشي اللي نزل المرة الثانية ؟
والله يحقق للي ترد عليا باللي تتمنى و يوفقها دنيا وآخرة ويجعل مثواها الجنة