السلام عليكم ورحمة الله وبركاته
ببدأ لكم قصتي مع ابوي انا مطلقة من سنوات طويلة وسبب طلاقي هم أهلي
وحبهم للفلوس وطمعهم الزائد بيوم فرحي طلبوا من زوجي مبلغ 7 الآف ريال ولا ما ياخذني معه واظطر لدفعها من يومه طاحوا اهلي من عينه وصار دايم يعايرني فيهم وتكررت حركتهم معه كذا مرة لحد ما طلقني بسبب 200 ريال
المهم كان كل ما يتقدم لي شخص ابوي يرفضه بحجة انه ما يناسبني وانه محتاج لرعايتي له لأن كل اخواني وخواتي متزوجين وما في غيري اللي يبيني
أخدمه وأعطية أدويته
تقدم لي شخص وأصريت على الموافقه وكلمت أخواني عشان يقنعوه والحمدلله كنت أدعي ربي وأستغفره عشان بس يرضى ابوي ويزوجني لأن ما ودي أتزوج غصب حاولت وحاولوا اخواني وتمت الخطوبه والملكه بسرعة وهالشيء اللي كنت ابيه عشان لا يغير ابوي رأيه شرط ابوي على زوجي انه يعمل الفرح بقاعة ومطربة ومن هالشغلات وافق رغم انه ظروفه مو ذاك الزود
وطلابات ابوي من باب التعقيد
وكان ابوي يتضايق كل ما يجي زوجي يزورني ويسمعني كلام يقهر صار زوجي يجيني مرة كل شهرين حددنا الفرح وحجز كل الشغلات اللي طلبها ابوي
كنت خايفه ابوي يعمل نفس الحركة اللي عملها مع زوجي السابق وفعلا اليوم سمعته بالصدفه وهو يقول اذا زوجها ما اعطاني 5 الآلف ولا ما بعطيه زوجته
وربي انقهرت وبكيت قلت له اعطيتك جزء من المهر والباقي قضيت فيه اغراضي الخاصه ما كفاك ومهري الأول ما شفت منه ولا ريال قالي اذا ما دفع خلاص ما تروحي معه وربي بموت قهر وش اسوي ما ابي زوجي هذا كمان ياخذ فكرة سيئه عن اهلي قلت خلاص على كذا ما بسوي فرح وخذ فلوس الفرح قالي بكيفك المهم تجيني الفلوس رغم ان عنده فلوس ومو قاصره شيء
محتاره وش اسوي اقول لزوجي عشان لا يتفجأ ولا ابطل الفرح وهالخرابيط
وأروح مع زوجي لأن أدري بوضعه انا وهو رتبنا كل شيء حتى ما راح نقدر نكمل عفش البيت الا بعد الفرح أمي تقولي لا تروحي معه بدون فرح بعدين الناس تطلع عنك كلام مو زين ويقولون انك حملتي منه ورحتي تدارين على فضيحتك
ابي مشورتكم الله لا يحرمني منكم ولا يحرمكم الأجر .