قـلي وش الـي تطلبـه ؛ حآضر بكل الي تبيه || .. ~ - زوجــي و زوجتــي عالم الحياة الزوجية

ورده فواحه ..:: كـــ vip ــــبار الشخصيات ::..

لو المحبـة يالغـلا تمشـي علـى مانشتهيـه
ماكان شفت عروق قلبي بالهـوى يرثـى لهـا

ولو الحزن لا جا على الرجال ماطبطـب عليـه
كان السنين الموحشـه صكـت عليـه غلالهـا

ولو السعـادة كـل أبوهـا نشتريهـا بالجنيـه
ماكان شفـت الحـزن دلـه والبشـر فنجالهـا

ما نيب م/تفلسف ولكـن الحـزن طالـت يديـه
يعقـد بكفـة عقـدةٍ تصعـب علـى حلالـهـا

كل مانتهـى حزنـي بقايـا ذكرياتـي تبتديـه
وماينتهـي ليـن السعـادة تعتـرف بهمالـهـا

حسبي على ظلم الفراق اللي غرز بـي مخلبيـه
يومه حرمنـي أكحـل المهـرة وأنـا خيالهـا

مدري من حظوظ الدهر وإلا من حظـوظ النبيـه
بالحالتيـن الصبـر مفتـاحٍ يـفـك قفالـهـا

لا زال في صـدري غـلا والله مامثلـه شبيـه
لو ينتثر بعضـه علـى الدنيـا تـذوب جبالهـا

ياصاحبي لا تحدنـي أصافـح كفـوف السفيـه
ولا تجبر الأفـراح مـن جوفـي تشـد رحالهـا

قلي وش اللي تطلبه ؟ حاضر بكل اللـي تبيـه
هذي ضلوعـي فدوتـك مـن جالهـا ل/جالهـا

ودي أضمك ضمـة المشتـاق ل/أمـه أو أبيـه
وطفي من الأشـواق جمـرة تشتعـل بلحالهـا

خذني على صدرك وخل الشوق يحكـي مالديـه
وإنت استمع للقصة اللي خافقـي يسعـى لهـا

من غبت ياعين الظبي والـزاد ماعـاد أهتويـه
يمنـاي مـن دلـه غيابـك تممـت فنجالـهـا

والضيقة اللي في خفوقي أصبحـت منّـه وفيـه
لقيـت لهـا بيـن الحنايـا حيلـةٍ تحتالـهـا

لا جيت ابنسى من غلاتـه لاح طيفـه بالوجيـه
أضحك ونفسـي بالحقيقـه تشتكـي غربالهـا

وشلون يهجرني وأنا بحبـه مخاشـر والديـه؟
وشلون ترضى يالغلا روحـي تمـوت بفالهـا؟

وأنا على شانك ترى هلّيـت دمعـي كـل ابيـه
وشلون ترخص دمعـةٍ لجلـك يهـل هلالهـا؟

إن كان جرحي يعجبك (إجرح) وش اللي تحتريه؟
لكـن تأكـد عزتـي منتـب كفـو ترقـى لهـا

وإن كان حبك بالمذلـه ذا تـرى بـدري عليـه
يعني : لبو حبٍ نـوى يرخـي جبيـن رجالهـا

بمشي على قول المثل (من باعني ما أشتريـه)
لو كان بعده ينتق عـروق الهـوى ويشتالهـا

أبيك تفهم شـي واحـد يشـرح اللـي باحكيـه
لو منت غالـي ه/ القصيـدة مانهمـر شلالهـا

مما راق لي

توقيع

ريحة عطر ..:: تاج المنتدى و كبار الاداريين سابقآ ::..

..يعطيك العاااااافيه على روووووووعة طرحك ..

توقيع

[flash=http://dc09.arabsh.com/i/02457/ewha6wuxj3q0.swf]WIDTH=420 HEIGHT=220[/flash]

شكرا لاحلا غدور في الدنيا

ذيـــــ نجد ـــــب ..:: كـــ vip ــــبار الشخصيات ::..

وان كااان حبك بلمذله ذا ترى بدري عليه
يعني لبو حب يبي يرخي جبين ارجالها

*يعطيك الف عااااااااااااااااااااافيه على القصيده الروووووووووووووووعه*

8

طيب الفال ..:: كـــ vip ــــبار الشخصيات ::..

اشكرك وردة فواحة على اختيارك الرائع
ننتظر جديدك
ولك تقديري واحترامي

توقيع

@لين@ ..:: عضو مميز ::..

ابدعتي ياقمة الذووووووووق وراااقت لي كثيرا .....دائما مبدعه في موااااضيعك والى الامام دوما ..

توقيع

:154: اللهم لاتجعل الدنيا اكبر همنا :154:

الي, الـي, بكل, تبيه, تطلبـه, حآضر, قـلي

قد يُعجبك ايضاً

Adsense Management by Losha

( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )