باختصار شديد انا كنت متزوجة من شخص والحمدلله كانت العلاقة بيني وبينه كلها حب وعشق مع انه ما شافني ولا شفته الا ليلة العرس
الله وفقنا الحمدلله ورزقنا بطفل ذكر مثل ماكان يتمنى ...
اللي سبب المشاكل وخلاني اطلب الطلاق هي امه لانها حييل غاوية مشاكل ونقل كلام وتحريش ...
طبعا انفصلنا بعد ما انجبت طفلي بثلاث اشهر -- بعد سنه عرفت انه تزوج مع انه كان يحاول يرجعني ---- وبعد سنتين انفصل عن زوجته اللي بعدي
لسبب انه ماتقبلها نهائيا --- وولازال يرغب فيني !!
والان مرت السنة الرابعه على طلاقنا وهو دايما يقول لولدي قول حق امك انا ابغي ارجعها .... طبعا بفترة من كل هالعشم سمعت انه عقد على بنت خالته
اللي ليل ونهار هم مشاكل معاها !!
طبعا كل هذا لرغبة امه بالارتباط بغيري لانها ماتبغاني ... وهذا الموضوع فجأة قررته لان قبل بشهر او اقل كان ابوه جا عندنا وما لقى ابوي
وهو كان زعلان ومقاطعهم - عشان يرضون يرجعني ( عرفت هالشي من عمتهم - اللي قالت لي بعد انه طلق زوجته عشان يبغاني )
سؤال لاهل الراي : هل انا غلطانه اني لازلت اتمني العودة له من جديد ؟؟
هل الرجل لما يلفونه فجأة لمرأة ثانية ينسى ام ولده -- هل بعد كل هالامل صرف النظر عني - لانه كان حييل يتودد لي عن طريق ولده ؟؟؟
والله انا ليل نهار اطلب من ربي يلم الشمل وما ابغي اتزوج واحد ثاني - هل هالشي ممكن رغم اتجاهه للزواج من وحده ثانية بعد ؟؟؟؟
هل ظلمني هو بزواجه من جديد ؟؟
تكفون لاتحرموني من دعاءكم -- ونصايحكم وحلولكم .