بسم الله الرحمن الرحيم
أشكركم مقدما على ابداءاقتراحاتكم
أنا زوجي كان متزوج بنت خالته ومااستمر أشهر الا وانفصلوا بسبب مشاكل يطول تفصيلها ومنها مشاكل مع أهله التي هي السبب الرئيسي
ولما طلقها اكتشفت انها حامل المهم جابت بنت.. ومن المستشفى أهله أخذوا البنت سالفة عناد و.......الخ وبعد كذا خطبني زوجي وقلبه بيتقطع عالبنت.. وقال ابغى من العائلة الفلانية"عائلتي" عشان أضمن بنتي وقالوا أهله ان أمها ماتبغاها..
أنا رفضت بالبداية خاصة انه مطلق وبنت وأنا لسا صغيرة والخطاب الحمدلله موجودين.. أقنعوني أهلي عشان البنت المسكينة ووالله وافقت عليه رأفة لحالها
وبعد الزواج رفضوا أهله تسليمها لزوجي يقولون زوجتك غريبة عنا وبتضرب بنتنا........الخ
المهم قاعدة عندهم وزوجي يعطيها كل شهر 500 وكل مانشتري شئ لأولادي لازم نشتريلها وحتى أنا من مالي الخاص ما أشتري لعيالي الا وأحسبها كأنها بنتي.. يعني البنوتة الله يحفظها مرتاحة والله يكون بعونها لا كبرت..
لكن المشكلة في الموضوع اللي ياما بكيت وأنا أفكر فيه ودائما على بالي وهو"أمها" ياحرام والله حرام الأم محرومة من بنتها والبنت ماتعرف أمها والله قهر
تخيلوا أم حملت وتعبت ولدت وفي الأخير بنتها تنسحب منها عشان ينحرق قلبها فوق ماهو محروق
واذا فتحت الموضوع لزوجي يعصب ويقول يا أم تيمو والله أحبك لاتخليني أكرهك بسبب الزن حقك لا تفتحي الموضوع مرة ثانية لأني مقهور ومابيدي شئ وأهلي مايرضون اني اخذها فكيف لوقلتلهم ودوها لأمها لأني زي ماتعرفين ماأقدر أنا أوديها وش تبغين الناس يقولون وأنا دايما أقول لأهلي يودونها.." واللي خلا الكيل يطفح هو ان البنت في الروضة وقبل حفل التخرج بأسبوع وأنا أقول وأكرر لأبوتيمو خلي أهلك يكلمون الأم تجي تشوف بنتها في الحفلة,قال:ماهم راضيين.. ويوم الحفلة ماأحد كلم الأم..
والله زعلت وطرطعت وتكلمت على زوجي "خربتها" صاريقول لي والله أهلي شر وغيورين ومايبغونك أنا أتحاشاهم ماودي أخرب بيتي زي ماخرب المرة الأولى أبغى أحافظ على حياتنا بدون مشاكلهم.. فأنتي ابعدي عن الشر وغني له..:angry8:
أنا ماعلي بأهله لأن ربي بيحاسبهم والبنت صغيرة مودارية عن الوضع لكن قلبي عالأم اللي ست سنوات وهي قلبها أتوقع منفطر على بنتها
أنا لازم أسوي شئ لازم لازم لازم :crying: