ترى خالد رحل!!!!!!
وصاتي لك من بعدي تموت فيها علشاني
ابها تعيش و تحيا بك و اظل بالذاكره مفقود
وصاتي لك تنسيها ملامح وجهي و تنساني
و تعزفها قصيدة حب عكس اللي عزفته بعود
وصاتي لك تبعّــدها عن اشعاري وقيفاني
تراها مغرمه بالحيييل و يشهد لي عدد الردود
وصاتي لك تسايرها ترى فيها من احزاني
طلبتك لا يضيق بالك طلبتك و الطلب مردود
وصاتي لك تناديها..حياتي..عمري..ازماني
انا عودتها دايم ادلعهـــــــا و انا موجـــــود
وصاتي لك تعاملها بطيبة قلب و احساني
تراها تذرف الدمعه و دمعتها بليّا حدود
وصاتي لك تحفّظها سور و آيات قرآني
وتخبرها عن الميت رحل ولا يمكنه ايعود
وصاتي لك ترسمها على قبري و اكفاني
ابيها لوحةٍ تبقى على طول الزمن محدود
وصاتي لك تمازحها و بتشوف الضحكه بأسناني
سعيتك يا ضحك هالكون طلبتك لاتصير جلمود
وصاتي لك تقهويها من دلالي و فنجالي
تراها تعشق السمره و يكفيها دخون العود
وصاتي لك تسفرها بلاد الشام و لبناني
ترى يحلالها تقطف ورده من بلاد ورود
وصاتي لك تحببها فأبو نوره بعد هانـــي
وتنسيها ندم غلظة انا فيها ترى المقصود
وصاتي لك تكرهها في تاريخي و عنواني
ابيها تلعن اللحظه و تلعن كل فرح موعود
وصاتي لك تكلمها عن المجني و عن الجاني
و تخليني انا الظالم و انا من حرّق الأخدود
وصاتي لك تشبهني بدمٍ احمرٍ قانـــــي
وانا هالقاتل السفاح مجرم من عصر نمرود
وصاتي لك تحلفها تتوب تحبني ثاني
ترى يكفيها ما عانت و يكفي حيلهــــا مهدود
وصاتي لك تنسيها وصيه قالها لساني
انا خابرك رجل موقف و انته قدها وقدود
صديقي مالقيت غيرك يعرف وشلون تنساني
امانــــــه ضمها بقلبـــــــــــك..ترى خالد رحـــل ما يعود...
القصيده اللي بكتبها لازم تعرفون قصتها قبل لا تقرونها
واحد اسمه خالد جاه مرض و قالوله انه بيموت
كتب الشعر لصديقه يقول له...... انه يحب حبيبتـــــــه و يبي من خويه هذا انه يخليها تنساه