المهره الاصيل
القصيده يكون مطلعها السلام
للي سمت نفسها المهره الاصيل
جيت اقول الحق آذا صح الكلام
وجيت ابرهن شعري عنك بالدليل
انتي بنت اجواد اصل الاحترام
ونتي بنت الكرم مو بنت البخيل
حلوه وخلاقك فخر كل العمام
وماابالغ لوقلت مالك مثيل
دومك الاولى وشوفك بالامام
راقيه وحلوه مثل شمس الاصيل
عينك الجنه اذا طال المقام
ونتي اجمل من مفاهيم الجميل
تعجز توصفك اجندات الغرام
والكلام يكون عن وصفك طويل
ياحمامه وبارزه عن الحمام
ياقوافي الشعر والحس النبيل
انتي في كبد السما بدر التمام
والنجوم تميل لو ضلك يميل
نظره عيونك مثل رمي السهام
جيل مات بحضرتك ويتبعه جيل
بيك طالت صفنتي وصار انفصام
مثل خل ويعجز يوصف الخليل
انا صح شاعر ولكن قلبي جام
يعكس الاحساس في وجهي النحيل
لو بغيت الوصف مايكفيني عام
ولو شكرتك يعجز الشكر الجزيل
ماكتبت الشعر عنك بنفعال
حرب شعري وانا اشعلت الفتيل
بين فكري وشعري موجود انسجام
مثل ضحكه فرح ودموع العويل
شعري عين الذيب ماتقبل تنام
ولو ينام الشعر من شعري استقيل
مايجل المهره بس ابن الكرام
ومايذل المهره بس ابن الذليل
لوبغيت الوصف مايكفيني عام
ولو شكرتك يعجز الشكر الجزيل