السلام عليكم
انا عندي مشكله وياليت تساعدوني فيها
انا مخطوبه لولد عمي من اربع سنوات بس للحين ماملكنا
بديت اكلمه قبل سنتين عشان اتعرف عليه اكثر
هو كان يحبني من لما كنت صغيره وانا بديت احبه تقريبا من خمس سنوات
المهم بديت اكلمه واحبه واتعلق فيه اكثر واكثر هو انسان حبوب وطيب بس مشكلته انه عصبي وعنيد وتفكيره جنسي بنسبه 90% وهو الان قاعد يدرس بالاردن
وكل همه انه مايخليني اتحكم فيه واخلي رايي يمشي عليه مع العلم ان هذا مو تفكيري و وضحت له هالشئ اكثر من مره بس هو مو مقتنع اي شئ اسويه او اقوله يفسره على هالاساس
وكأي اثنين بدت بينا المشاكل لاسباب تافه
بس كنت كل مره اتنازل انا واراضيه مع انه هو الي يكون غلطان
بدينا نتكلم عن حياتنا المسقبليه ونخطط لكل شئ حتى اسامي عيالنا
وشوي شوي بدينا نتكلم بالجنس
بالبدايه كنت اخجل وما اخليه يتكلم وكنت ازعل اذا تكلم بس هو كان يقول ما ابيك تستحين مني ابي اكسر هالحاجز الي بينا وفعلا انكسر الحاجز ودخلنا بالعميق
وقبل اسبوع كنت اكلمه بالليل وكنا نتكلم عن الجنس وجاء اخوي الصغير بينام عندي فاضطريت اني اسكر
ولما نومته بعد ساعه ونص رجعت دقيت عليه بس قال لي ابي انام قلت له طيب وسكرت
رجع دق علي بعد نص ساعه بس انا كنت نايمه ومارديت وبعدها ارسل لي رساله قالي <صار لي ساعه ونص وانا اتعذب وبالاخير طلعتي تنومين اخوك اي والله ما اخبث الحريم>
وثاني يوم دقيت عليه كذا مره مارد وبعدها ارسلت له رساله قلت له يعطيك العافيه ماقصرت ع الي سويته
دق علي وعاتبته وسالته انا خبيثه قال ليش ماتدرين من زمان انتي خبيثه مو توك وانا سكرت الخط وماقلت اي شي
وصار لنا اسبوع وهو مادق ولا ارسل
وقبل يومين جاء واحد خطبني وارسلت له وقلت له اذا ماجيت خلال اسبوع وملكت لعد تجي بحياتك
وقالي انتي واثقه اني ما اقدر اجي قبل الصيف <لانه زي ماقلت هو الان يدرس بالاردن>
و اذا الرجال عاجبك وكويس خلاص وافقي عليه وانا اول من يبارك لك
وبعدها دق علي وهو للاسف سكران مع انه اول مره يسكر وقام يهاوش ويقول كلام بذئ
انا الحين رفضت الشخص الي تقدم لي
بس انا الحين محتاره ما ادري وش اسوي افك الخطبه من ولد عمي والا لا
انا خايفه اذا استمريت معه يتمادى اكثر واذا من اولها كذا كيف بعدين وخصوصا هو دايم يقول انتي تحبيني ماراح تقدرين تتركيني لو مهما ماسويت
مع العلم انه ثاني مره يغلط علي فيها
افيديوني الله يجزاكم كل خير
دمتم بود