السلام عليكم ورحمة الله وبركاته,,,

اليوم حبيت اذكر لكم حلاوة بإمكانكم اتسوونها برمضان او وقت حضور الضيوف او اي مناسبة ثانية وهي وايد حلوة وسهلة واتمنى اتنال اعجابكم,,,

المقادير:
1) 2 بسكويت قهوة الصباح
2) ا جيلي اصفر
3) 1 جيلي احمر
4) نصف زبدة لورباك
5) 6 جبن مثلثات
6) كاس ماي حلو
7) قيمر

الطريقة:

1- أول شي راح اتسوونه انه اتكسرون البسكويت لقطع صغيرة صغيرة.
2- بعد ما اتكسرون البسكويت ضيفوا له الزبدة وخلطوا لين يصير متماسك مثل العجين.
3- حطو خليط البسكويت في طبق مستطيل الشكل بشكل متساوي في جميع الاتجاهات
4- اخذي الخلاط وحطي فيه القيمر والجبن والجيلي الاصفر والماي وخل يخلط هالمقادير كلها.
5- ضيفي الخليط السابق على البسكويت وعقبها حطيه بالثلاجة لين يجمد.
6- لبين مايجمد الخليط السابق حضري الجيلي الاحمر وخليه يبرد.
7- عقب ماتتأكدين انه الخليط اللي حطيتيه على البسكويت جمد تماماً ضعي عليه الجيلي الاحمر ورجعيه للثلاجة عشان يجمد مرة ثانية وعقب مايجمد قطعوا مربعات واكلو وعليكم بالعافية.


هاي الطبق حلو وسهل ومايبيله كلافة وجربوها وعطوني رايكم,,,,

عليكم بالعافية واكل العوافي انشاءالله

مع جزيل الشكر والتقدير,,,,