الله يجازي ..لشاعر/محمد بن فطيس المري
الله يجـازي مـن يسـوي سـواتـك
وبذنوب من سـوى سواتـك يجازيـك
مشيـت درب الثقـل وتحـب ذاتـك
ماتـدري انــه للمهـالـك يـوديـك
وغـرك جمالـك ياخسـارة حـلاتـك
ماتـدري ان ماغيـر طبعـك يحليـك
بتقـول زيـنـك يشـفـع لسيئـاتـك
الحسن ماهو عن وفـا الحـب يعفيـك
لـو التواضـع والوفـا مـن سماتـك
بعت الحبايـب كلهـم ديـن واشريـك
لكـن عجـزت اغيـرك ياجـراتـك
عـن الغيـاب بـلا عـذر ينجـيـك
خطاي فـي توضيـح وشـي غلاتـك
وخطاك فـي توضيـح وشـو تغليـك
وشلون توصينـي وتنسـى وصاتـك
وتصد عـن صـوت تقطـع يناديـك
مافاتـك التجريـح والـعـذر فـاتـك
وتبغى رضاي والحين ماعـاد يمديـك
صحيح احبـك بـس هـذي جزاتـك
بعلـمـك درس يفـيـدك ويحيـيـك
تدري وش ابيض من خفوقك !!عباتـك
وتدري وش اللي غرني !!! نظرتي فيك
ادري بتستغـرب تصّـبـر وجـاتـك
قصيـدة مـن واحـد (كـان يبغيـك)
وتبغى تناظر وانـت عايـش مماتـك
شف وحدتك والناس تجلـس حواليـك
وتبغى تشوف اشجع رجل في حياتك!؟
شفني وانا مقفي على كثر مـا اغليـك
(منقول)