اختي جريحة الزوج
وعليكم السلام ورحمة الله وبركاته
كنت اتمنى ماتنزلي موضوع تاني عشان ما نتشتت وتكون مشكلتكي واضحه للجميع
لان فيه اعضاء بيردون على كلامكي هذا بدون مايشوفون موضوعكي الاول
عموماً هذا رابط موضوعكي الاول : عنوانه حياتي في خطر ساعدوني تكفون
شوفي يالغاليه
عليكي بقرأءت القرآن الكريم كل مايضيق صدركي او تزعلي اقري وحاولي تحفظي اجزاء منه
وخلي زوجكي يشوفكي وانتي تقرين يمكن يحس شويه وعشان يبعد الشكـ الي عنده
طبعاً زي ماقالت اختي ميمي التميمي انتي جالسه تكتبي شعوركـ واحاسيسكـ
لكن احنا مو عارفين ايش الي بينكي وبين زوجكي بالضبط
والواضح ان فيه رواسب من الماضي انتي منتي راضيه تعترفي فيها او تقوليها
وانصحكي نصيحه مو كل مره تدخلي وتشوفي رد على طوووووووووووووووووول تروحي لزوجكي وتسويه
ترا هو بيدخله الشكـ ويفكر انكي تكلمي احد سواء رجال او امرأه وفي كل الحالتين هو بيتضايق لان الزوج مايحب اسرار بيته تطلع برا
انا بحلل نفسيتكي حسب متابعتي لمشكلتكي:
انتي الآن حزينه جداً ومتضايقه بالمرررره لدرجه انتي منتي قادره تفكري زين
او حتى تتخذي قرار معين .. وهذا طبيعي بسبب احساسكي بأن زوجكي راح يتزوج تانيه
ما الومكي في هذا بالعكس انا الوم زوجكي لانه المفروض مايجلس كل شوي يهددكي بالزوجه التانيه
الله يهديه وينور بصيرته ويرده لكي رداً جميلاً ..
ولكن خلي ايمانكي بالله كبير واذا الله كاتب انه يأخذ زوجه تانيه مافيه شي راح يرد الشي هذا
والزواج قسمه ونصيب .. ومن حق الرجل يتزوج اربع في وقت واحد لازم تؤمني بالشي هذا بدون ماتحسسيه انكي راضيه
وبدون ماتحسسيه انكي خايفه من الزواج التاني
الحاجه الثانيه : عندي احساس ان عندكي مشكله في اسلوب التعامل مع زوجكي
انتي الله يهديكي تتناقشي مع زوجكي كأنه مجرررررررررررررررررررم واحياناً تتناقشي معاه كأنه اصغر اولادكي
لانكي بينكي وبين نفسكي تقولي انا احبه وامووووت فيه ولا ابيه يضيع مني .. فأنتي بإسلوبكي هذا مثل الي يحفر قبره بيده
والدليل انكي تحاسبيه على كل كبيره وصغيره وكل كلمه يقولها وكل وكل كلمه ماقالها .. حتى الكلمه الي تسمعيها من الاقارب انه قالها
على طووول اول ماتشوفيه تحاسبيه عليها . وهذي مصيبه والله لوانتي ملكة جمال الكووووون وقمر 14 واصغر منه بعشرين سنه ,
ماراح يتحملكي اي رجال بالعالم.
ابسأل كم سؤال وجاوبي نفسكي لاتردي هنا : وين انوثتكي .. وين عطفكي .. وين تسامحكي .. وين صبركي .. وين ذكائكي .. وين رومنسيتكي
وين قلبكي الكبير الطيب .. وين حبكي الحقيقي للحياة وزوجكي واولادكي .. وين اخلاصكي .. وين جهاد النفس .. وين جمال الروح ..
وين الفرح والمرح والسرور .. وين الدعابه .. وين جمال الروح. لايهمكي جمال الشكل ليس هو الاساس
عامليه باللطافه والضرافه والحنيه
اتمنى ماتكون ضاعت مع زحمة الوقت وكثرة العتب والملامه وكثرة المشاكل والطفش والحيره والغيره والهم والغم
والمشكله التانيه الي عندكي (شخصيتكي متقلبه) .. حسب ماقلتي انكي تخافي منه وتترددي كثير
واحسكي تتكلمي معاها كأنكي طالبه راحت المدرسه وهي ماحلت الواجب
ليه كذا انتي زوجته وام اولادهـ وراس ماله ولاتنسي انكي انتي حبه الاول ..
وكما قال الشاعر وما الحب الا للحبيب الاولي
والحل الامثل انكي تفتحي صفحه جديده بينكي وبين نفسكي وتغير اسلوبكي لكن مو تغيري 180 درجه تغيري بالتدريج شوي شوي
والمشكله الثالثه الي عندكي : انتي ماتسمعي من زوجكي .. احسكي لما تتكلمي معاها اول مايجي يرد عليكي تجلسي .. تزيدي بالكلام
او تبكي او تعابير وجهكي تدل انكي مو مقتنعه بالي يقوله
لذلك اذا انتي تبي الحل : حاول تسمعي من زوجكي وانتي ساكته واسمعي منه الكلام الزين اما الكلام الي يوتر او يستفز
لاتردي عليه وسوي نفسكي ماسمعتيه بالمره .. لحد مايحس انكي جاده بالتفاهم
وفيه حاجه اخيره بقولها لكي : لما ينام معاكي زوجكي لازم تتفاعلي معاه .. مايكفي انكي تتزيني وترشي العطوروالزهور
وتشعلي الشموع والبخور
ترا هذي الاشياء شكليه لاتعني للرجل الشي الكثير ..
زوجكي يدور على زوجه تفهمه ويفهمها لذلك لاتخلي وحده غيركي تجي مكانكي
والرجال يحب الزوجه تمدحه وتمدح شخصيته واخلاقه وكرمه حتى لو كان بخيل يستانس ان زوجته تمدحه بالكرم
انا صراحه احاول ادور على حلول تكون بيدكي انتي ..
بسبب بسيط لان زوجكي للاسف مايسمع كلامي ولا فيه وسيلة اتصال بيني وبينه
ولانكي انتي الي تدوري الحل ومهتمه لكنكي مو مركزهـ.
اتمنى تسمعي مني هالكلمتين : قومي الآن صلي ركعتين وطولي بالركوع والسجود وادعي ان الله ينور بصيرتكي
وان الله يفتح على عقلكي وقلبكي وتفهمي الكلام الي انكتب هنا ..
سواء مني انا او من اخواتي واخواني الاعضاء في كلا الموضوعين.
وارجعي مره تانيه واقرأي الكلام مره تانيه بتمعن شديد
وحاولي تفهمي مو تقرين كلمتين وتنطين على زوجكي بتطبقين على طوووول
انا اقولها لكي بالفم المليان مشكلتكي مع نفسكي قبل ماتكون مع زوجكي
وامدحي زوجكي قدامه وقدام اهله وقدام الناس الي تحسي انهم يوصلون الكلام
مع اني متأكد ان الناس ماتوصل الكلام الزين
وانسي كل الكلام الشين الي قاله زوجكي والي وصلكي من الغير لانهم مارح يوصلون الا اسوء ماقال
ولا راح يوصلون له الا اسوء ماقلتي
والمفروض ماتخلي احد يدخل بينكم هذا بيتكي حافظي عليه بكل قوووه ,,,
تأكدي ان زوجكي يحبكي ويموت فيكي بس انتي تعدلي ,,,
والله يبعد عنا وعنكي الهم والغم والحزن والزعل والغضب ,,,,