بسم الله الرحمن الرحيم
السلام عليكم ورحمة الله وبركاته
احترت وايد قبل لااكتب لكم هذا الكلام انا حزينه وااااايد لدرجة الكآآبه انا متزوجة من شخص عمره 36متزوج وعنده عيال 5 وانا الزوجة الثانية وعمري30 (المظلومة ) طبعا تزوجته ورضيت بالنصيب لأن اهلي اصروا علي لأني كنت مطلقة وماكنت راضية لأني كنت خايفة من المشاكل مع زوجته ومااحب اكون دخليه بس للأسف تزوجنا وبعد فتره حبيت زوجي واحترمته من كل قلبي وحاولت اقدره واحترم زوجته وعياله انا اعيش بروحي والزوجة الاولى تعيش بروحها السبب اللي خلاه يتزوجني انه زوجته ماتحترمه وراعية مشاكل واكبرمنه بسبع سنوات المهم تزوجنا في البداية كنا مثل العسل لكن بدت المشاكل كله من زوجته كانت تبي تعرفني بأي طريقه وتبغي تعرفني انا منو وبنت منو وكيف شكلي لين وصلت بيتنا وسوتلي مشاكل وفضايح وبعدين ماحبيت اخرب عليهم قلت في خاطري انا لازم اطلب الطلاق ، قلت يمكن يكون الحل لي ولهم وطلبت الطلاق وطلقني طلقة اولى برجعة وبعد فتره ترجاني عشان ارجعلة وقال لي ان حياته وايد صعبة من دوني وانا من طبعي واااايد طيبه وهاذي مشكلتي المهم رجعتله ويالييت لومارجعتله والمشكله ان زوجته ماتدري ان رجعنا لبعض وعقب فتره انا حملت تخيلو هذا اول حمل لي المفروض اكون اسعد انسانه بهاالدنيا وتوقعت زوجي بيكون فرحان مثلي لكن !!!!! قطع لي قلبي قالي وبكل سهولة : انتي مينويه انج حامل ليش ماطيحتي تخليو !! ولما سألته ليش تباني اطيحه وقال بكل سهولة: كيف اضيفه في الجنسية اخاف يصير مشاكل مع الحرمه تخيلو !!!!! الله يساااامحه قلبي وااايد يعورني لأني اكتشفته انسان جبان ماخاف من ربه خاف من زوجته يباني اطيح ولدي على حساب راحته صدقوني انا واايد تعذبت من كلامه وصار دايما يعصب ليش ماطيحت الولد وهددني انه ماراح يعترف بولدي انا قلبي وايد متقطع ماعرف شو اسوي وفي النهاية قلت كيف اطيحه قلبي يعورني كيف اقتل جنين والله هاذا ذنب وفكرت كيف لوخليت هالولد كيف بيكون وضعه مع ابوه اكيد وايد بتعذب لأن ابوه مايبغيه ومايعترف فيه واهلي مايقدرون يساعدوني ماصدقو اني تزوجت، وبعد فتره وبكل سهوله اشترالي دوا بس عشان اطيحه تخيلو انا رفضت بشده وفي النهاية شربته غصبن عني بس ماطاح لأني حامل بتوأمين وحاول مره ثانية عشان يطيحه والله العظيم اني تعبت وااايد وفي النهاية انا قتلت االتوأمين قتلت روحين عزيزين على قلبي وانا من يومها ماانام وحزينه قتلت روحين عشان راحة زوجي بس خلاص من كثر الحزن انا افكر في الطلاق لاني مااقدر استمر مع واحد مجرم مثله خلااني اكون مجرمه اقتل بريئين واناوااايد متعذبه واستغفر ربي لأني اجهضتهم صدقوني وايد تعبانه لأن هالموضوع وايد متعبني انا اشوف الحل الوحيد اني لازم اطلب الطلاق واتمنى اي وحده ماطيح في مشكلتي وتكون طيبه زياده عن اللزوم هاذي هي نهايتي اجهضت روحين بريئين والله قلبي وايد يعورني .. قولو اني مجرمة استاهل بس انا في النهاية ريحتهم من ابوهم الظالم كان يمكن يتعذبون ليش ابوهم غير عن الناس .. صدقوني انا اتعس انسانه في هالدنيا ويمكن ربي مايرزقني بعيال عقب اللي صار .. بس في النهاية انا مجرمة مااستحق اكون ام وفي نفس الوقت ماأقدر استمر في زواجي الفاشل ... ارجوكم انصحوووني .:crying: