بسم الله الرحمن الرحيم
والله شئ يقهر ناس ماتستحي.. زي ماتعرفون أنا من جدة وهي مدينة سياحية لكننا لسنا مستفيدين من ذلك
خاصة الاجازات وخميس وجمعة والأعياد لأنه يجون كل من هب ودب وتعال أنواع الفساد"طبعا مو الكل لكن يغلب"
فصرنا نضرب مشوااار لاخر جدة عشان نروح منطقة الى الان مااستدلوها السياح وننبسط وهدوء وروقان وكل اللي في المنطقة من أهل جدة المحافظين.. المهم.. وهذا المكان من وأنا صغيرة ماقد شفنا في هالمنطقة غريب "غريب الدار والعادات" الحريم عند الحريم والرجال عند الرجال بعيد شوي وبيننا السيارات .. ورحنا قبل اسبوعين وحطينا قهوتنا والعيال راحوا يلعبو في البحر الا شباب جايين تقريبا خمسة وماشيين مقربين علينا على مهل ولابسين بناطيل ضييييييييييقة وكابات على روسهم ولما قربوا مننا طلعوا بناااااات ويضحكون ويتمازحون على مرأى مننا ومن الرجال وماجاهم المزح والدلع الا لما وقفوا قدام الرجال .. أنا مرررة عصبت ...زوجي وزوج أختي وأخواني ...
واستشرت أمي وش نسوي لااااازم نوقفهم قليلات الأدب اللي مايستحن لحقونا حتى هنا ... الله يسامح اللي دلهم على هالمكان.. وقلت لأختي يلا قومي نكلمهم .. قدام رجالنا وأخواني الشباب المساكين الله يزوجهم شكلهم ما بينامون الليلة.. الا نسمع الضحكة العالية اللي خلت أختنا أم تيمو تنطلق لهم ألفين وأخواتي يحاولون يمسكوني"جبانات"
ولحقتني أمي الله يحفظها وقالت أنا معاك .. ومن قوة القهر ناسية نفسي قدام زوج أختي لا وحافية بعد هههههه وقلت لهم معليش اش مجلسكم هنا ووين عباياتكم انتو شايفين نفسكم فين ؟؟ تسوون الحركات هذي مو بها البلد..
من الغضب مادريت انهم مو سعوديات.. وقالوا احنا أحرار وايش بلدكم هذي من زينها بلدنا أحسن منها بمليون مرة.. قلت لهم أجل ليش قاعدين هنا ماخربت البلد الا بهالأشكال.. وأنا ماني جاية أتكلم عن البلدان أنا أتكلم على البناطيل اللي مبينة كلوتاتكم.. وقالت وحدة منهم : محنا ميتين على رجالكم من جمالهن عاد واذا خايفين عليهن خبوهن عندكن.
قهرتني الكلمة وأنا والله ماأشوف أحلى من رجالنا بس ما حبيت الكلام يكثر والله أعور ويتنقور الظاهر مايعرفون المثل اللي يقول ياغريب خلك أديب.. لا وتقول لي ياخالة روحي عند جوزك امسكيه,.. شايفتني مغطية وجهي وقلت لها : ماني خالتك عشاني ما أعرض نفسي مثلك وأنا عمري 24 بس ماعرضت نفسي للعالم.. المهم ناداني زوجي وقال بصوت يسمعونه كويس كلمتيهم ناس مايستحون.. ونادوهم أهلهم..الديوثين.. الله يهديهم.. وشكل البنات أعمارهم في العشرينات وأكبر مني بعد..
لو صار لك كذا قدام رجالكم وللرجال لو صار قدامكم وش بتسوون بصراااااااااااحة؟؟
أنتظر ردودكم:bye: