السلام عليكم شلونكم يا اعضاء المنتدى تكفون ابيكم تساعدوني بمشكلتي هذي وادري ماراح تخيبون ظني فيكم
انا ادري ان كل اللي راح يقرون مشكلتي راح يقولون عني غبيه :crying: بس احلفلكم ان وقتها تصرفت بدوووون وعي
المهم ما اطول عليكم.. مشكلتي اهي(( ان بعد عرسي بشهرين تقريبا لقيت بتليفون زوجي افلام اباحيه وبصراحه انا طفااارتي اني اشوف هالاشكال والله العظيم@المهم انهرت مو عارفه شسوي اهو وقتها كان نايم وظليت افكر طول اليوم شسوي قعد من النوم كالعاده صباح الخير حبي ومن هالحجي ومارديت عليه نهائيا طبعا ماده البوز شبرين:angry4: جبتله التليفون وفتحت المقطع وقلتله تفضل شوف عاد قعد الاخ ويطلع الاعذار مشالله عليه وبسهوله والله مو انا هذا رفيجي حطهم وقام يحلف والله ماشوف جذي ثاني مره المهم سامحته لانه حلفلي انه مايشوف جذي ثاني مرره وصدقته بعدها ب8 شهور تقريبا وسبحان الله قاعد العب بتليفونه وانا احب اتعبث بالتليفونات والله مو قصدي اني افتش وراه ؛؛بس الله يبي يفضحه اهنيه وقتها كان يتسبح انا شفت مقطع الفيديو انجنيت والله العظيم بدون مبالغه ابي اتنفس مو قادره والله بناديه راح صوتي والله هههههه والله اني خبله بس شسوي اول مره اشوف جذي وما توقعت من زوجي يشوف هالاشكال علشان جذي احتريت وانقهرت المهم يوم طلع شافني طايحه جان يجي يركض شفيج والا مايحتاج اتكلم التليفون كان مفتوح واهو ماقدر يتكلم قلتله شوف انا مابي منك اي شي بس ابيك توديني لاهلي خلاص العلاقه اللي بيننا انتهت لان اساسا انا ماراح اثق فيك ابد ويحااول يقنع فيني سبحان الله اركبتني جنيتي يومها توقعوا شقلتله قلتله[type=196392]((هات المصحف وحط ايدك عليه واحلف وقول والله انتي طالق اذا انا شفت افلام سكس ثاني مره))[/type]ورفض قلتله اي ارفض مو ناوي تشوف ابو طبيع مايخلي طبعه قلتله اما انك توديني لبيت اهلي او تطبع بالقران جدامي وكلمه كلمه وحرف حرف قال خلاص جان يطبع بالقران انه اذا شاف الافلام انا طالق وما احل له:angry8: شفتوا الغباء مع ان الحمدلله اهو لحد اليوم يحلفلي ويقول والله من هذاك اليوم ماشفت شي بس بصراااحه انا ما اثق فييه للاسف:sad6:
ابي رايكم بالموضوع؟وابي منكم حل يريحني ؟والله تعبت من التفكير
وآسفه طولت عليكم بس تقبلو مني والله محتاره