السلام عليكم ورحمة الله وبركاته
أبغى أبدأ في الموضوع مباشرة
طلعت شغالتي من ثلاثة أشهر وكان لي جدول للتنظيف والتنظيم روووووووووعة وكان بيتي من أحسن مايكون كل شئ تمام ومافيه أكل مطاعم .. المهم: قبل أسبوعين ونص جوني صحباتي وقلت لزوجي لاتجيب شئ من برا كله بأسويه بالبيت وسويت أنواع حلا ومعجنات وكل شئ مع اني حاولت أنظف أول بأول لكن تعرفون حوسة الضيوف.. وجلسو عندي الى الساعة 1 ليلا وقد تحول البيت الى ........ تعرفون عاد الأطفال الأكل بكل مكان والألعاب وصلت الى باب الشقة.. وكنت منهكة جدا ونمت بعدهم بسرعة من غير تنظيف لأن اليوم اللي بعده عندنا ملكة ولما صحيت يادوب جهزت أغراضي وعيالي وعالكوفيرة لازم بدري"طبعا مامسكت بالبيت شئ" وما رجعت للبيت الا الساعة4الفجر ونمت ولما صحيت الظهر سويت غداء على طول وعلى مايستوي حطيت غسيل ورحت أجيب عيالي من بيت عمي ولا مسكت شئ بالبيت ومارجعت الا بالليل ورجعت مريضة أسبووع حرارتي مانزلت وماكنت أقدر حتى عالمشي وزوجي يوديني عشان أتوضأ وأرجع أصلي وأنا جالسة وهذا كله والبيت مانمسك فيه شئ.. ووداني لأهلي لأن زوجي حلف انه مايهم لاتقدمين البيت على صحتك
المهم:انه الان رجعت و متراااااااكم علي الشغل ماني قادرة أخلصة حق عشر أيام والكوي من كثره حطيته بمجلس الرجال لأن السلات ماعاد تشيل وغرفة عيالي حوسة والمطبخ حدث ولا حرج.. يعني نظافته مهي بزود وتوني بديت أشم العافية وأتصحصح على هذا الهم
كيف أبدأ ومن فين؟؟؟؟؟؟؟؟؟؟؟؟؟؟؟
أعطوني جدول لأني ماني متعودة ان الشغل يتراكم لها الحد
وأسأل الله انه يتمم علي الصحة والعافية وأنظف بيتي