السلام عليكم ورحمة الله
اخواتي الغاليات هذي اول مشاركه لي واتمنى تساعدوني بارائكم ولكم جزيل الشكر ...
اخواتي تزوجت من 11 سنه زواج تقليدي ووالله احببته لدرجه اني كنت من حبي له احب الارض اللي يمشي عليها حتى لما يطلع اي مشوار او مع اصحابه كنت كل شوي اتصل اسمع صوته مع الوقت صار اذا اتصلت اول مايرد وقبل ماتكلم يقولي انا بخير ومادري متى ارجع في شي ثاني ههههههههههه .
طبعا مثل اي اثنين متزوجين حياتنا كان فيها الحلو والمر . بس مشاكلنا كانت كثير
عشان ماكون جاحده هو انسان طيب واي انسان اكيد فيه عيوب بس اللي كان تاعبني كثير انه يعاملني كاني بنته مو زوجته ( عيب - غلط - ممنوع ) لدرجه لما يحصل بينا زعل يحرمني من الطلعه برى البيت ويقفل الغرفه اللي فيها التلفزيون ويمنعني من التليفون وياخذ الجوال مني ولما اتناقش معاه واعترض على كلامه يقولي انتي مسترجله انتي قليلة ادب . طبعا وبعد نقاش طويل عريض مانوصل لاي نتيجه
وعشان اكون صادقه بعد انا مو ملاك فيني عيوب واولها اني عنيده بس لاني كنت احبه كنت اعتذر ومنام الا اذا راضيته بس للاسف اي شي يحصل بينا دايما يفسره اني ابغى اكسر كلامه واعانده وبس دايما يقولي اني خبيثه وكذابه بس والله مافيه منها شي غير الكذب وسبق وقلة له اني كنت صريحه وصادقه معاه بس دايما كان يهيني بالكلام ويهاوش ومشاكل فقررت ان الصراحه اللي تسببلي المشاكل مالها داعي رغم اني حاولت معاه قبلها انه مايتعامل معاي كذا عشان اقدر اتكلم معله بصدق واصارحه بكل شي
المهم مابغى اطول عليكم التفاصيل كثيره بس اللي ابغاكم تعرفونه انه صار يهيني بسبب اولادي وللاسف قدامهم يعني لما اعاقب واحد من اولادي او اهاوشه يهزئني قدامهم وكم مره مد يده علي قدامهم
طبعا مع الوقت وكثره المشاكل وهجره لي بالاسابيع ولانه كان بخيل بعواطفه وبعيد عني باحساسه ماانكر انه صار مني انا بعد اخطاء انا بشر
المشكله اني صرت اكرهه ووجوده بالنسبه لي زي عدمه لدرجة اني اخدمه واقدمه طلباته بثقل وضيقه صدر مني طلبت الطلاق وقلت له اني مااقدر اعيش معاه لاني اكرهه رفض وقالي حتى لو اكرهه مو مطلق لان ماعنده استعداد يتوهق في الاولاد قلتله انا مستعده اخذهم رفض وقال مو هو اللي يرمي عياله في بيت الناس قصده اهلي مع رفضه واصراره على الرفض قلت لنفسي حاولي يابنت تتذكرين الايام الحلوه بينكم حاولت وحاولت بس والله ماقدرت غصب عني مو قادره اقدمله شي بطيب خاطر مو قادره اشوفه اتضايق منه من كلامه
مادري وش اسوي ؟؟
ماني صعبه الارضاء انا مثل اي انثى الكلمه الحلوه والمعامله الطيبه تنسيها الدنيا ومافيها تقلب نفسيتها ومشاعرها من حال لحال . انا كل اللي ابغاه انه يكون انسان معاي طبعا اقصد انسان بقلبه بعواطفه باحساسه ياترى طلبي صعب !