بسم الله الرحمن الرحيم
انا بنت عمري 19 سنه .. انخطبت و املكت و الزفاف بعد سنه .. ( لحد ما اخلص دراستي الجامعيه )
عندي مشكلتين :
الاولى :-
انا احب زوجي هو طيب و حساس و يحبني و في ايجابيات كثيره بس طبعه غريب .. احس من الحين و انا تعبانه منه و من تصرفاته .. عمره 23 و يشتغل في منطقه بعيد عن منطقتي .. و تواصلنا يكون على الموبايل .. في تصرفات ابدا ما اعرف اتعامل معاها .. مثلا اذا زعلت سواء منه او من اي شي ثاني ابدا ما يجي يراضيني مع اني ما ازعل كثير عشان هو يمل .. ما محسسني انه هو قريب مني و يهتم فيني .. و اذا صار له ظرف حتى لو كان بسيط .. يقلب الدنيا و يعصب علي .. مره كان فيه صداع .. مجرد صداع ف الراس .. صار يقولي (اووووف) و ( لا تحنين ) و يرد علي بأسلوب جاااف .. مع العلم انه كنا نتراسل بالمسجات و احسه بيطلع لي من المسج يضربني و يطقني .. و مره انهزت ميزانيته .. و صار يعصب من اي شي .. و انا كنت امازحه و قلتله ( انت ما تحس فيني) .. هاوشني و من بعدها صكر تلفونه 3 ايام .. والله مرات احس انه يكرهني .. ما اعرف ليش يصير كذا بمجرد ما يصيرله ظرف .. و فوق هذا .. ما يعرف يقول كلام حلو و لا يغازل .. والله انه ابدا مو محتويني .. مليت من عصبيته و من تصرفاته .. اذا هو من الحين كذا .. عيل كيف بيكون بعد الزواج .. اسفه اذا طولت عليكم بس اريدكم تفهموني لاني بجد ما عارفه كيف اتعامل معاه ..؟!
انا بطبعي حبوبه و احب الضحك و الوناسه :195: و اسولف و مزعجه احيانا :clap: .. و عاااطفيه و حساسه كثييير .. لكن عاااقله و تفكيري منطقي .. ما تتخيلون شكثر انا متأثره من اسلوبه معاي ..
الثانيه :-
انا دبدوبه .. يعني موو كثيير .. بس بطبوطه شوي .. احساسي يقولي ان زوجي يبيني انزل وزن .. بس يقولي لا انا عاجبني كذا .. بس احساسي يقولي انه يبيني رشيييقه .. المشكله اني احب الاكل :spying: ..
انا خايفه ف المستقبل يأثر ع علاقتنا و اوضاعنه الجنسيه .. !!
وزني 75 و طولي 169 .. <<< لا تضحكون علي و تقولون دبه .. :angry8: