بسم الله الرحمن الرحيم
خواتي الغاليات
اتمنى تفيدوني وتساعدوني بحل مشكلتي اللي تعاني منها كثير من الأخوات
انا ام لطفلين ومب موظفة وما عندي شغالة سفرتها من قريب
والحين انظف بيتي بنفسي واستغنيت عن الخدم ومشاكلهم بس .....
المشكلة في جونا الحار واليهال اللي ما يعطوني فرصة اشتغل على راحتي
طبعا كل وحدة ما عندها خدامة فاهمة قصدي ومعاناتي واكيد بتقول مثلي شغل البيت ما يخلص
وبصراحه مب عارفة كيف انظم شغلي كل مرة تطلع شغلة غيرها وما اخلص من التنظيف الا منهد حيلي وخاصة بيتي
كبير وحوشي كبير واطبخ 3 وجبات فاليوم وزوجي يبي كل شي مرتب ونظيف
مشكلة صدقوني انا مب متعبني الشغل بس الحر موتني وسمرني حتى لو اطلع 5 دقايق بالحوش الصبح اتبهدل من
الحر والحساسية وشعري اغسله 3 مرات لازم بعد ما اطبخ احس يعرق والريحه تضايقني اخاف يتساقط اكثر ويتعب من
الشامبو حتى جسمي ابدل واتسبح 4 او 5 مرات يوميا من كثر الشغل وزوجي طلباته وايد شو اسوي وكيف اتجنب
مضار الجو الحار اللي الكل يعاني منه وخاصة بالنهار وفي منتجات للبشرة والشعر تنصحوني فيها وخاصة للاستعمال
المتكرر بدون ما تجفف البشرة والشعر
ارجووووووووووكم محتاجه نصيحتكم