فــدوة عيونك وش تبي قل وش تبي واقول جاك
................................ حــتــى ولـو تـطـلـب عـيـوني يـــاعيوني قلت لك
انــا عــــرفت ان الهوى ماهـــو هوى الا هواك
................................ مــن قـبـل اعـرفـــك مــت حب وكل مافيني هلك
رمــتـني الاقــــدار فـي حـضـنـك ودفاني دفـــاك
.............................. وحـبـيـت خـشـم الـحـظ قـبـل احب دورات الفلك
سـمـيت باسم الله عـــليك وقلت يسعد لي مساك
............................. يــــأول ملــك واخر ملك في مملكة عشقي ملك
انـعــم بــتــقــديـري وخــذ مـنــي ولاء يشبه ولاك
............................. وادخل عيوني ‘ ثـــــم شراييني ‘ وشرّف منزلك
لعيونك اوقدت الشموع وفاض شوقي في لقاك
............................ ونظمت في ليلة مساك اجمل قصيدي . واذهلك
ســـمــــرة ولـــه فيها لقيتك وصف يشبه للهلاك
........................... لـــو ابــتدي به ماوصلت اقصـاه من حسن اولك
اجـمـل مــن اجــمل شي بالدنيا ولا يوصف حلاك
........................... بـــس الاكيد انـــك ملـــك والله بـحـسـنـك كــمـلك
ياعين ابـــوي الا ياعين امي عسى روحي فداك
............................ مــاقلـتلك انـــي عـلـيـك اغــار حـــتى مـــن هلك
راضي ولــكن مارضيت الا اني اسعد في رضاك
.......................... واجعل خفوقي عرش لعيونك ،، وتجلس به ملك
منقول