السلام عليكم ورحمة الله وبركاته
قبل ماتكلم بموضوعي
حابه اقولكم اني لي اكثر من سنتين بالموقع اتصفح مابين فتره والثانيه بس بدون مشاركات اسال الله العلي القدير ان يرزق القائمين عليه من حيث لايحتسبون وان يفتح لهم ابواب الخير امين يارب
اول مره اشارك بموضوع بالمنتدى
مشكلتي يمكن البعض يعتبرها مشكله بسيطه ويشوف اني معطيه الموضوع اكبر من حجمه والبعض يشوفون ان ليه الحق اني اسميها مشكله
انا اتملكت بشهر 8 هالسنه كانت شبكتي بيوم 11\8\1434 بعد اسبوع خطيبي جاني زياره زي اي خطيب بالدنيا كنت مبسوطه ومحد قدي وابي الايام تمر بسرعه عشان اعرف شخصيته كان عندي فضول اعرف عنه كل شي يخصه
كانت مشاعري خليط من السعاده والخوف وحب الاكتشاف لانسان اول مره بحياتي اشوفه <<من برا العيله
كنت قبل موعد الزياره بايام ارتب واجهز لهالزياره ابيها تكون سبيشل وابيها تكون ذكرى حلوه بيننا
ماخليت ولا بقيت انواع الحلا والمعجنات والضيافه وكل شي
دقت ساعة الصفر وانا ع سنقة عشره كنت بكامل اناقتي بدون مبالغات < مايحب المك اب الثقيل ك اي رجال بالدنيا
المهم استقبلته وضيفته وهو كان انيق ماشاءالله والرزه والشياكه والثوب واقف ووووالخ
قدم لي هديه انصدددددددددددمت منها بلعت غصتي وقلت له شكرا ليش كلفت ع نفسك وانا دمعتي بعيني ماتوقعت هالديه
تدرون ايش الهديه :111::111: صحن بقلاوة سكت وماعلقت كملت سهرتي معاه وانا مافقت من الصدمه
قلت يمكن مالحق يشتري ويمكن ويمكن طلعت له مية عذر المهم خلص وقت الزياره وقدمت له عقد فل مع ورد يوصل لركبته عقد عرسان:msn-7bdd2ca5fc: لان اشتريته له قلت ببالي فشله هو يقدم لي هديه وانا ماعطيه شي علما اني بيوم الشبكه جبت له ساعه فخمه وطقم دهن عود مع بخور عود ودهن مخلط وحطيت له اهداء
المهم عدت الزياره ع خير بدون اضرار :msn-7bdd2ca5fc:
جا الزياره الثانيه ايده فاضيه انصصصصصصصدمتت صدمة عمممري بغيت اصيح والله ي عالم مايهمني قيمة الهديه لو ورده بعشر ريال اهم شي احس انه معبرني شويه وانه ذووق:142:
الزياره الثالثه جاب عياله يتعرفون عليه ,.< صح ماقلت لكم هو مطلق وعياله معاه وشرطه ان عياله يسكنون معانا وانا رحبت فيهم وماعندي اي مانع ابدا
سويت لهم مفاجئه بما انها اول زياره لهم عندي سويت حفلت تعارف وحطيت كل شي يحبونه الاطفال واخر شي قدمت لهم هدايا وانبسطو كثيير وابوهم قلت ببالي موحلوه اجيب لعياله وماقدم له شي جبت له ورده حمرا ونتفها تنتيف:121::111: نص اوراقها لقيتها ع الارضيه بعد ماراحو
بعد كذا صار يجي وايده فاضيه وانا احترق ومتفشله من اهلي
علما ان اخواتي ثنتين كلهم متملكات وعرسانهم غرقوهم بالهدايا ماشاءالله وانا ي حضي ماحصلت شي
حزت بنفسي تصرفاته رحت استشير بعض البنات الي اعرفهم قالولي لمحي له
اترددت كثيير بعدين اتكلمت ع اخواتي وان عرسانهم زاروهم وكذا وجابو لهم كذا وكذا قام سالني ايش جابو قلت له وانا وقسم بالله منحرجه ومتفشله ماتعودت اطلب من احد بس مابي احط ببالي انه بخيل ومابي احد يحس انه مقصر او شي
جاب لي بعدها جوال عادي اتقبلته بس احس انها مو من طيب خاطر لان انا الي طلبتها بس بطريقه غير مباشره جابه ليه بكيس المحل الي مكتوب اهلا وسهلا بلاسود والكيس بلاورنج:kap:
غصبت نفسي وعادي جدا وهو شكله حس قال مالحقت اغلفه معليش قلت عادي مو مشكله
وكل مازارني جا ايده فاضيه وانا اكتم بقلبي مابي اقوله
وبرمضان رحت المول مع اخواتي واخويه وكلمني وقالي بيلحقني كلمت اخويه قال اوك ولحقنا ورحت اتسوق معاه احس بعد عشر دقايق بدا يتنرفز مع اني ماسويت شي غلط وعبايت راس وقفاز ومتحجبه حجاب كامل جيت بمسك ايده قال ماحب احد يمسكني كذا انصددمت بغيت اصيح سكت بعدها حس ع نفسه قال عادي تقدرين تمسكين ايدي من فوق < يقصد هو يرفع ايده وانا ادخل ايدي زي حركت العروسه والعريس
سويت هالحركه ومشيتها بعد ماتقضيت اغراضي وصلت ال430 وصلنا للكاشير انحرجت منه قمت طلعت من محفضتي 1000 اخذها ورجع لي 500:v9v9net_039::v9v9net_039: الغصه بحلقي ماعاد قدرت اطالع فيه عيوني امتلت دموع سكت كاتكلمت اخذت اغراضي وطلعنا
شوي شافني هاديه قال شفيك قلت ولاشي حس بصوتي قالي من قالك تدفعين وجلس يضحك قلت عادي ابوي عطاني فلوس ماقصر
كملنا تسوقنا وانا نفسي انسدت رجعت البيت انا واخواتي ويشوفون اغراضي وانا امثل اني مبسوطه وقلت لهم ان هو الي دفع :v9v9net_001: اضطريت اكذب لان مابي اشوه صورته ومابي احد يتكلم عليه
وجا العيد كنت قبل العيد نفسي اجيب له كل شي بالسوق ودي اهديه شي ينبسط منه ابغي هديتي مميزه ابيها تكون احلا هديه عشان تقعد ذكرى لاول عيد يجمعنا فرفرت بالسوق
واخذت له قلم رووعه وفخم وكبك مايقل عن روعة القلم وسبحه وطقمت له لبسه جنز وتيشرت غلفت الهديه بشكل فخم وحطيت ورد معطر وعطرة الملابس وحطيتها بكيس هدايا
لما جاني بالعيد كنت متشوقه اعرف ايش هديتي منه وكنت متاكده انه ماراح ينساني لانه قبل اتكلمنا ع العيد وكان يسالني ع اعيادنا كنا احكي له وكنت اقله ان اخةاتي يشترون لازواجهم وان هدايا العيد لها احساس حلو بغض النظر لقيمتها وكان يقولي انه يعايد عياله بهدايا قلت ببالي اكيد ماراح ينساني
جا وقت الزياره وطبعا عشان اول عيد يجمعنا اتكلفت بالضيافه ورتبت كل شي دخل المجلس ودخلت وراه هناني بالعيد وقم لي بوكيه وره فيه 6 وردات :msn-2857f63144: والله العظيم كانه احد عطاني كف اخذته منه وشكرته حاولت قد ماقدر اكون طبيعيه وماخرب الزياره
رحت جبت هديتي له انبسط مرره وشكرني وعجبته الهديه بشكل ماتصورته واتعذرلي انه ماكلف وجاب لي وانا جبت له شي غالي طبعا رديت عليه وقلت عادي وانا احترق من جوايه:cry::cry::cry:
والا يومي هذا كل مايجي ايده فاضيه مو عارفه كيف اتصرف منحرجه من اهلي ازواج اخواتي كل واحد هدايا العيد اشكال والوان وكل ماجو جابو هدايا اوشوكولاته وانا متحسفه ع نفسي مع ان رواتبهم اقل منه راتب زوجي بكثييييير وزوجي وظيفته حكوميه اما ازواج اخواتي بشركه
ابي رايكم بموضوعي مو عارفه اتصرف احسه مو ذوق احيان يسوي حركات ودي اصرخ عليه زي مثلا اكل بالملعقه من الحلا ورمي الملعقه بشكل مزعج التفت عليه قلت ايشفيك قال ايش ؟؟
واضح انه متعود ماستغرب حركته
الي عنده لي حل لايبخل بليز نفسيتي تعبت يوم ورا يوم مادري هو الموضوع هذا مشكله ولا هالشي طبيعي ناس كثير يسووه وانا الي مكبره الموضوع
ابي ابتدي حياة هاديه راقيه وابي ارتب لحياتي معاه من وانا ببيت ابوي
ساعدوني تكفوون والله اني محتاااااااااااااااااااااااااااااااااااااااااا ره:msn-c9c8e661c8::cry: