بسمـ اللهـ الرحمنـ الرحيمـ
قصيدة اعجبتني ونقلتها....
الشيب شفته في المرايا وصديت
ماكنت أصدق إن ذا الشيب فيه
أثر الزمن يطوي رحاله ووليت
وراحت سنين العمر وش هالبقيه
من بعد شفت الشيب في الراس حنيت
حنيت لسنينن توالت عليه
سنين ذقنا المر وفيها تجنيت
وياكم تكبدنا صنوف البليه
وذقت الحلا في بعض منها وتهنيت
مرت علي مر الصبح والعشيه
وسنين ياكم تهت فيها وتماديت
مابين سب وضلم ولا قفيه
وياكم تحملت المعاصي وجريت
جريتها ومثيل جر المطيه
وسعيت في الدنيا وكم صبت وأخطيت
واللي مضى على الناس يمضي عليه
ودارت بي الدنيا ولا يوم ونيت
وقضيتها مابين شمس(ن) وفيه
يامرحبا يالشيب من يوم حليت
تضهر على نفسي أمور(ن) غبيه
يالشيب ماخوفت قلبي ولا أحديت
إلا مواريد(ن) بتقبل جليه
أنت النذير اللي على الباب طليت
ووصلت حد الباب وش عاد ليه
ماعاد لي إلا التوبة إن كاني أزكيت
وسألت انا المولى ورب البريه
وقلت توبي يانفس قبل ياليت
ماعاد ينفع ليت وقت المنيه
صومي وصلي ثم حجي إلى البيت
وروحي إلى طيبه ومسجد نبيه
وتزودي بالخير من بعد ما أشقيت
نفس(ن) تعاندني ونفس(ن) عطيه
وإن عشت يانفسي من الخير جنيت
جنيت لي مجنى الثمار الهنيه
ياااااااربي تغفر زلتي يوم زليت
وإنك تجنبني الزلل والخطيه
وعلى الرسول أزكى سلام وصليت
عداد ماهلت مزون النشيه
وسلامتكم