أنا رغم الهموم اللي بقلبــــي يعرب صابر
على مر الزمن واللـي بهالدنيا مجزينــــي
أعيش بدنيتي راضي ولو حظي بتل دابــر
أحمد الرب سبحانه على اللي حاصلٍ فيني
أساير كل مايجري واقول إن الزمن عابـر
أمشّي العمر واتحمّل ولو وقتــــي مبكيني
أخذت من التفاؤل مبدأي والكل لي خابر
أأمل خير في دربي واقول الله لنــــا يعيني
وأنا راسي كما ترسي جبال اطويق وثابر
حياتي لو كثر همّـي سعيده مابها شينـــــي
تبين البسمه بوجهي ولو كان الزمن غابر
رضيت بماكتب ربي رضيت بقسمته فيني
أحب الصدق وامشي به ولاللكذب واكابر
على وضح النقا مشيي بلا شكٍّ وتخمينـــي
عطيت العهد للمولى عظيم الشان والجابر
على تقدير خلق الله ولو كانــــــوا مأذيني
رسمت المنهج الطيب لقلبٍ ذايق وصابر
وعينٍ للسهر تعشق ودايـــــم دمعها يبيني