[align=center]السلام عليكم ورحمة الله وبركاته
تارت ومين مايحب التارت ...
اليوم راح انزل تطبيقي للميني تارت بالفواكه واللي سويته بالعنبيه (بلو بيري)
وكان جدا لزيييز ..
كثير يسووا التارت لكن قليل اللي يضبطوه حتى محلات الحلويات بعضهم تكرم النعمه ماينذاق شكل بس ...
المقادير العجينه :
صفار بيضة ..
1 3/4 كوب طحين جميع الاستعمالات ,,
ربع كوب سكر بودرة ..
اصبعين ز ب د ة باردة مقطعه صغار ,,
2 م ك مويه باارد ة
الطريقه:
في الفود البروسيسر اخلطي الطحين بالسكر والزبدة
اخلطيه لين ما يصير مفتت مثل حبات الرمل
وبعدها اضيفي البيضة والموية
وكملي خلط لين تحسينها بدت تتجمع
مرات ممكن تحتاجين اكثر من ملعقتين موية بس لا تتحمسين وتظيفين اكثر من 3 ملاعق ,, ولا بعدين بتسيح العجينه
انا بالنسبة لي احتجت 3 ملاعق كبيرة موية باااااردة
تجمعت العجينة اخذيها حطيها بصحن جمعيها بيدك بالخفيف ,, ماله داعي العجن
وغلفيها بنايلون وعالثلاجة نص ساعه
بعدها طلعيها ولك خيارين اما تفرديها فوق نايلون وتقطعيها دوائر بالقطاعه او تاخذي بيدك كور وتشكليها بالقالب ع طول
انا كورتها ولبست القوالب بالعجين اسرع .. بعد ماتنتهي بالشوكه بططي قاع القالب الهدف مانبغى العجينه تنتفخ ..
وندخلها الفرن من تحت فقط ونراقبها ماتطول بسرعه تشقر نطلعها ونتركها تبرد ..
الحشوة:
حشوة الكريم باتسري(هذا المقدار قليل ادا حابه ضاعفيه)
ك حليب طازج+حبيبات الفانيلا (او السائله واذا ماحصلت مافي مانع البودره ولو ان هالوصفه ماراح تعطي نكهه الكريم بس مو مشكله )
2 ملعقه كبيرة نشا+ثلث ك سكر+3 صفار بيض
نخلي الحليب يغلي مع بذور الفانليا , ونظيف العود بعد
فهالاثناء وقبل لا يفور الحليب , نخلط بقية المقادير مع بعض
في الخلاط الكهربائي ,,
نخلطة لين يصير فلافي ويثقل , ماراح ياخذ وقت
لما يغلي الحليب , نشيل منه ملعقة كبييرة , ونظيفها للبيض ونخلط بسرعه
عشان الحراره ما تسوي البيض
وبعدها نضيف كل كمية الحليب ونخلطها ,, ونرجعها للقدر مرة ثانية ..
ونحطها على نار متوسطة ..
نحرك باستمرار لين تثقل الكريمة ,, وخلوها ثقيله مره (انا هالمره ماثقلتها وصارت خفيفه وتندمت :131:)
يعني لما تصير كانها كريم كراميل مهروس .
نحطنها فصحن ونغطيه ببلاستيك , ونخلي البلاستيك يلامس وجة الكريمة
عشان ما تتكون طبقة , تدخلينه الثلاجة لين يبرد تماااما
بعد ما اطلعه من الثلاجه اعبيه باكياس التزيين وابدا اعبي التارتات :imim:
ونزينه بالفواكه فراوله او كيوي او انااس ..انا توفر عندي البلوبيري
وعشان نحافظ على الفاكهه من التاكسد سوي محلول جيلاتين ثقيل = ظرف جيلاتين ساده (او اي نوع مربى انا استخدمت مربى فراوله )+ نص كوب مويه حار
وادهني فية الفاكهه بعد ما تحطينها عالتارت
وبالعافيه ...:msn-9ef96af442:[/align]