يا اختى ان ما فعله زوجك ان دل عاى شىء فهو يدل على حبه لكى وانه لا يحتمل هذا الكلام منك انت بالذات لاءنه ما يقدر يفع عينه قدامك فيا اختى حاولى ان ترسلى له الرسائل الكثيره وحاولى ان ترضيه كان الله فى عونك

اختي مسكينه

انتي والله اللي بكيتيني بدعاويك اللي احسها وصلت قلبي

وربي اناي اقرا والقشعريره تسري بجسمي

الله يوفقك ولك بكل دعوه مثلها يارب

يالغاليه

لا تفكرين انو ما مر علينا حالات ضيق وقهر ةوحزن

كلنا يا ما مرينا

وممكن هذا اللي خلانا نستمر بهالمنتدى

احساسنا المتبادل ببعضنا

واخوتنا ونصايحنا لبعض

كلها وربي مو مجرد كلام ينكتب بمنتدى

لا هذي خبرات نتبادلها بيننا

صدقيني ترى الشده والضيق يقوي اوقات كثيره

ويخلي من الضعيف شخص متغير تماما بقوته وعزة نفسه

انتي ما تتخيلين اغانيج وش كانت بداية تسجيلها بهالمنتدى

انواع الضيق والحزن اللي مسيطر علي

بس من اطلاعي على بعض المشاكل والحلول واعتمادي اولا على الله ثم على نفسي

بجد وبعيد عن اسرتي وبدون ما ادخلهم بحياتي

ما تتخيلين قد ايش قدرت اغيرها للأفضل

وخليتها بالهدوء والتفكير السليم

مريحه ليس ولعائلتي

ما اكذب عليك بداية فكرت باطفالي وراحتهم وبس وابتعدت عن الانانيه وتفكيري بنفسي

وقلت لنفسي اخذت من حياتي خير

وش باقي بعيش اكثر

خلاص الباقي من حق اطفالي يعيشونه براحه بال بعيد عن الهموم اللي غصب عني يشوفونها

اقدر اقولك اني السبب الاول والاخير بالتدقيق في احتياجاتي انا

بس ما تتخيلين بعد هذا التفكير

كل من في البيت ارتاح انا اولهم وزوجي وبناتي واهلي

ما تتخيلين الاستقرار قد ايش مذاقه حلو ربي يذوقك ويذوق كل مهمومه من حلاته

صدقيني الحل بيدك وانا ما قلت لك الا عن تجربه

ربي يكتب لك راحة البال والسعاده

صدقيني

البيت زينه وشينه بيدك انتي

قادره تخلينه جنه وقادره تخلينه جحيم

الرجال اللي يعجبك منه خذيه واللي ما يعجبك منه تجاهليه وما كأنه صار

صدقيني بسيطه

بس احنا بمساعدة الشيطلن واعوانه نكبرها

اعذريني طولت عليك

بس دعائك ما تتخيلين قد ايش يريح النفس الله يسعدك يالغاليه

على فكره حسيتك دخلتي قلبي من اول ما قريت كلامك

ما تتخيلين قد ايش واكيد لأنك انسانه صادقه بعباراتك

كأني طولتها ولا وش رايك؟؟

هههههههههههههههههههههههههههه

عذرا مره ثانيه

الله يسعدك يااغانيج ويار جعلك في سعاده دائمه والله يفرجها لك دنيا وآخره انتي الي دخلتي القلب بطيبك يابنت الاجاويد سعدك الله في الدارين ورزقك ربي الرزق الحلال وحفظ لك زوجك وبناتك يارب والله اني حبيتك احس انك اخت غاليه حيل علي لا يهونون باقي اخواتي الله يفتحها عليكم والله اني فرحانه وسعيده فيكم

يا اختي ربي يفرج همك
اصبري وراح يعوضك ربي خير اذا مو بزوجك بزيريتك وانتي ادعي له بالهداية
ولا تهدمي بيتك بيدك انتبهي الستر زين يا اختي ربي يحفظك

الله يسترك دنيا وآخره ياعابر سبيل وجزااك الله خير
اخواني وخواتي معليش خلكم معاي الحين انا بروح للبيت يوم الخميس ماادري كيف راح اتعامل معاه طنشه شوي ولا اهتم فيه لاني احس انه هو مرتاح ماعليه اي مسؤوليه اليوم كلمني وقالي اذا تبين تجلسين اكثر عند جدتك اجلسي و مهم تجين وقالي انه بيسافر بعد اسبوع يغير جو وقالي وجودي زي عدمه عنده
قال انه دل المطاعم وعرف المغاسل ومو ناقصه ولاشي ومرتااااااااااااااااح
ماقلت له شي سكت وقلت له ا انا لازم ارجع عشان مدارس العيال حسيت انه مايبي يتحمل المسؤوليه وصار ادي يكلم خواته وعادي الامر يعني حط الغلط علي
مو مهم الحين انا كيف اتعامل معاه اتودد له ولا وش اسوي انصحوني تكفون انا آسفه طولتها بس ان شاء الله تتسهل واخف عليكم تكفون والله ان محد يدري عني غيركم